• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

నోయిడాలో అధికారుల నిర్బంధం: హింస, పోలీసు కాల్పులు

By Pratap
|

Greater Noida
న్యూఢిల్లీ: గ్రేటర్ నోయిడాలో రైతుల ఆందోళన శనివారం హింసాత్మకంగా మారింది. భూసేకరణకు వ్యతిరేకంగా ఉత్తరప్రదేశ్ రైతులు ప్రయాణికులతో ఉన్న బస్సును అపహరించుకుపోయారు. భూసేకరణకు వచ్చిన ముగ్గురు అధికారులను నిర్బంధించారు. వారిని విడిపించడానికి వచ్చిన పోలీసులను వారు తీవ్రంగా ప్రతిఘటించారు. ఈ సమయంలో పోలీసులకు, రైతులకు మధ్య ఘర్షణ చెలరేగింది. పోలీసులు రైతులపై లాఠీచార్జీ చేశారు. టియర్ గ్యాస్ వదిలారు. పరిస్థితి అదుపులోకి రాకపోవడంతో పోలీసులు కాల్పులు జరిపారు. ఈ కాల్పుల్లో గౌతం బుద్ధనగర్ జిల్లా కలెక్టర్ దీపక్ అగర్వాల్ కాలిలోకి బుల్లెట్ దూసుకెళ్లింది. కాల్పుల్లో గాయపడిన రైతుల్లో ముగ్గురి పరిస్థితి ఆందోళనకరంగా ఉంది.

తమ భూముల్లో సగం మాత్రమే స్వాధీనం చేసుకోవాలని, మిగతా భూమి అభివృద్ధిలో తమను భాగస్వాములను చేయాలని రైతులు డిమాండ్ చేస్తూ మూడు నెలలుగా ఆందోళన సాగిస్తున్నారు. నోయిడా, గ్రేటర్ నోయిడా, యమున ఎక్స్‌ప్రెస్ వే ప్రాజెక్టుల్లో 25 శాతం రిజర్వేషన్లు కావాలని వారు డిమాండ్ చేస్తున్నారు. భూమిలేని రైతులకు 120 చదరపు మీటర్ల స్థలం, ఐదు లక్షల రూపాయలేసి నష్టపరిహారం ఇవ్వాలని కూడా వారు అడుగుతున్నారు.

బస్సు మార్గాలా కోసం సర్వేకు వచ్చిన అధికారులను భట్టా పర్సౌల్ గ్రామానికి చెందిన రైతులు నిర్బంధించారు. జిల్లా అధికార యంత్రాంగంతో చర్చలకు వారు నిరాకరించారు. తమ డిమాండ్లపై ముఖ్యమంత్రి మాయావతి స్పష్టమైన ప్రకటన చేస్తేనే అధికారులను వదిలిపెడతామని చెప్పారు. దుర్దేష్ భరద్వాజ్, నిరంజన్ దాస్ అనే అధికారులను, వారి డ్రైవర్ జితేందర్‌ను శుక్రవారం ఉదయం నిర్బంధించడంతో సమస్య ప్రారంభమైంది.

English summary
The hostage crisis in Greater Noida, where farmers have taken a bus with some passengers as hostage, turned violent on Saturday.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X