భోపాల్ గ్యాస్ లీక్ కేసు నిందితులకు కఠిన శిక్షకు సుప్రీం నో

న్యూఢిల్లీ: 1984 భోపాల్ గ్యాస్ లీక్ ప్రమాదం బాధితులకు ఎదురు దెబ్బ తగిలింది. కేవలం రెండేళ్ల జైలు శిక్షతో బయటపడిన యూనియన్ కార్బైడ్ గ్యాస్ లీక్ కేసు నిందితులను తిరిగి ప్రాసిక్యూట్ చేయాలని, వారికి సాధ్యమైనంత ఎక్కువ జైలు శిక్ష విధించాలని కోరుతూ సిబిఐ దాఖలు చేసిన కురేటివ్ పిటిషన్‌ను సుప్రీంకోర్టు బుధవారం తిరస్కరించింది.

ప్రధాన న్యాయమూర్తి ఎస్‌హెచ్ కపాడియా నేతృత్వంలోని న్యాయమూర్తులు అల్తమస్ కబీర్, ఆర్‌వి రవీంద్రన్, బి. సుదర్శన్ రెడ్డి, అఫ్తాబ్ ఆలంలతో కూడిన సుప్రీంకోర్టు బెంచ్ ఆ మేరకు ఆదేశాలు జారీ చేసింది. సిబిఐ దాఖలు చేసిన కురేటివ్ పిటిషన్‌లో సంతృప్తికరమైన వివరణ ఇవ్వలేదని కోర్టు అభిప్రాయపడింది. కేసుకు సంబంధించి ఇంత ఆలస్యంగా సిబిఐ కురేటివ్ పిటిషన్ దాఖలు చేయడాన్ని తప్పు పట్టింది.

English summary

In a major setback to the victims of the 1984 Bhopal gas tragedy, the Supreme Court on Wednesday rejected CBI's curative petition for prosecuting those accused, who have escaped with lighter punishment of two years jail term, under the stringent penal provision attracting maximum ten years of imprisonment.