ఈ ప్రభుత్వం పడిపోవాలని ప్రజలు కోరుకుంటున్నారు: వైయస్ జగన్

కడప: ప్రస్తుత ప్రభుత్వం పడిపోవాలని ప్రజలు కోరుకుంటున్నారని వైయస్సార్ కాంగ్రెసు పార్టీ అధ్యక్షుడు వైయస్ జగన్ అన్నారు. ఆయన శుక్రవారం ఉదయం కడప జిల్లా ఇడుపులపాయలో తన తండ్రి వైయస్ రాజశేఖర రెడ్డి సమాధి వద్ద నివాళులు అర్పించారు. కడప, పులివెందుల ఎన్నికల ఓట్ల లెక్కింపు ప్రారంభమైన నేపథ్యంలో ఆయన ఉదయమే ఇడుపులపాయకు చేరుకున్నారు.

రాష్ట్రంలో ప్రతిపక్షం లేదని, తాము ప్రతిపక్ష పాత్ర పోషిస్తామని ఆయన చెప్పారు. కాంగ్రెసు, తెలుగుదేశం పార్టీలు మ్యాచ్ ఫిక్సింగ్‌కు పాల్పడ్డాయని, ప్రజలను పట్టించుకోవడం లేదని ఆయన విమర్శించారు. తనను దీవించాలని, సక్రమ మార్గంలో పయనించడానికి తగిన శక్తిని తనకు ప్రసాదించాలని ఆయన తండ్రి వైయస్ రాజశేఖర రెడ్డి సమాధి వద్ద కోరుకున్నారు.

English summary

YSR Congress party leader YS Jagan said that people are wanting to dethrown present government.