సిఎం తీరు చూస్తుంటేనే కన్నీళ్లొస్తున్నాయి: కుతూహలమ్మ

చిత్తూరు: ముఖ్యమంత్రి కిరణ్ కుమార్ రెడ్డి దగ్గర ఓ ప్లాన్ లేదు, యాక్షన్ లేదని చిత్తూరు కాంగ్రెసు శాసనసభ్యురాలు కుతూహలమ్మ సోమవారం ఆరోపించారు. ముఖ్యమంత్రి పదవి తెచ్చుకోవడంలో కిరణ్ కుమార్ రెడ్డి కనబర్చిన శ్రద్ద మంచి పాలన ఇవ్వడంలో చూపలేక పోతున్నారని విమర్శించారు. రాష్ట్రంలో కాంగ్రెసు పరిస్థితి చూస్తుంటే కన్నీళ్లు వస్తున్నాయని ఆవేదన వ్యక్తం చేసారు. కిరణ్ కుమార్ రెడ్డి ముఖ్యమంత్రి అయితే సొంత జిల్లా వాళ్లు సంతృప్తి పడని పరిస్థితి కనిపిస్తోందని, ఇక రాష్ట్రంలోని మిగతా వారి పరిస్థితి చెప్పేదేముందని అన్నారు. రాష్ట్రంలోని మిగిలిన ప్రాంతాలలోని వారు ఏమనుకుంటున్నారో అందరికీ తెలుసున్నారు.

కాంగ్రెసులో ఏఐసిసి అధ్యక్షురాలు సోనియాగాంధీ తెలియదనే వారు కూడా ఉన్నారన్నారు. అలాంటి వారు మరికొద్ది కాలానికి కాంగ్రెసు, పార్టీ గుర్తు కూడా తెలియదని అంటారని విమర్శించారు. సోనియాగాంధీ తెలియదన్న వారిది అమాయకత్వం అన్నారు. ఇప్పటికైనా ముఖ్యమంత్రి తీరు మారాలని ఆమె సూచించారు. తనకు మంత్రి పదవి ఇవ్వక పోవడంలోని అర్థం ఏమిటో తనకు తెలియదన్నారు.

English summary

MLA Kuthuhalamma suggested CM Kiran Kumar Reddy to change his attitude. She said she has disappointed very much with his attitude.