తెలంగాణపై స్పష్టత ఇవ్వాల్సిందే: చంద్రబాబును అడ్డుకున్న టిఆర్ఎస్

By Srinivas

Published: Thursday, May 19, 2011, 10:26 [IST]

మహబూబ్‌నగర్: తెలుగుదేశం పార్టీ అధినేత నారా చంద్రబాబునాయుడు మహబూబ్ నగర్ జిల్లా దేవరకద్రలో తెలంగాణ రాష్ట్ర సమితి కార్యకర్తలు అడ్డుకున్నారు. తెలంగాణపై స్పష్టమైన వైఖరి టిడిపి చెప్పాలని వారు డిమాండ్ చేశారు. లేదంటే తెలంగాణలో తిరగనివ్వమని హెచ్చరించింది. రెండు కళ్ళ సిద్ధాంతంతో తెలంగాణ ప్రాంత ప్రజలను మోసం చేస్తున్నారని ఆరోపించారు. జై తెలంగాణ అంటూ నినాదాలు చేశారు. చంద్రబాబుకు, టిడిపికి వ్యతిరేకంగా నినాదాలు చేశారు. పరిస్థితి గమనించిన పోలీసులు టిఆర్ఎస్ కార్యకర్తలను అదుపులోకి తీసుకున్నారు.

కాగా అనంతరం దేవరకద్ర మార్కెట్ యార్డును సందర్శించిన చంద్రబాబు అధికార కాంగ్రెసు ప్రభుత్వంపై ధ్వజమెత్తారు. రాష్ట్రంలో రైతుల సమస్యలను ప్రభుత్వం పట్టించుకోవడం లేదని ఆరోపించారు. గురువారం తాను వస్తున్నానని తెలిసి తడిసిన ధాన్యాన్ని రాత్రికి రాత్రే ప్రభుత్వం తరలించిందన్నారు. ప్రభుత్వం చర్యల కారణంగా రైతులు అప్పుల్లో కూరుకు పోతున్నారని ఆవేదన వ్యక్తం చేశారు.

Published On May 19, 2011