• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్ జగన్‌కు సవాల్, ప్రభుత్వంపై చంద్రబాబు అవిశ్వాసం

By Pratap
|

Chandrababu Naidu
హైదరాబాద్‌: వైయస్సార్ కాంగ్రెసు పార్టీకి సవాల్ విసురుతూ, ముఖ్యమంత్రి కిరణ్ కుమార్ రెడ్డికి అవకాశం ఇవ్వకుండా తానే ముందుకు దుముకాలని తెలుగుదేశం పార్టీ అధ్యక్షుడు నారా చంద్రబాబు నాయుడు సిద్ధపడుతున్నారు. ఈ నెల 4 లేదా 6వ తేదీన బలపరీక్షకు సిద్ధపడాలని ముఖ్యమంత్రి కిరణ్ కుమార్ రెడ్డి సిద్ధపడుతున్నట్లు వార్తలు వచ్చిన నేపథ్యంలో చంద్రబాబు నాయుడు గురువారం తన పార్టీ కార్యాలయంలో పార్టీ సీనియర్ నాయకులతో సమావేశమయ్యారు. కాంగ్రెసుతో తాము కుమ్మక్కు కాలేదని నిరూపించుకోవడానికి ఇదే సమయమని భావించి, అవిశ్వాస తీర్మానం ప్రతిపాదనకు ముందే తాము అవిశ్వాస తీర్మానం ప్రతిపాదిస్తే ఎలా ఉంటుందనే విషయంపై ఆయన పార్టీ నాయకులతో చర్చించారు. తీవ్ర చర్చల అనంతరం అవిశ్వాస తీర్మాన ప్రతిపాదనకు సంబంధించి నోటీసు ఇవ్వడానికి తెలుగుదేశం శానససభ్యులు డిప్యూటీ స్పీకర్ నాదెండ్ల మనోహర్ వద్దకు వెళ్లారు.

విశ్వాస తీర్మానం ప్రతిపాదించి నెగ్గితే ముఖ్యమంత్రి కిరణ్ కుమార్ రెడ్డి నిలదొక్కుకుంటారని, ముఖ్యమంత్రి ప్రతిష్ట పెరుగుతుందని, కిరణ్ కుమార్ రెడ్డికి ఆ అవకాశం దక్కకుండా ముందుగానే అవిశ్వాస తీర్మానం ప్రతిపాదించాలని చంద్రబాబు అనుకున్నట్లు తెలుస్తోంది. దీనివల్ల తాము కాంగ్రెసుతో కుమ్మక్కు కాలేదని చెప్పుకోవడానికే కాకుండా వైయస్ జగన్ వర్గానికి చెందిన శానససభ్యులకు సవాల్ విసిరినట్లుగా కూడా ఉంటుందని భావిస్తున్నారు. స్పీకర్ ఎన్నిక సందర్భంగా చంద్రబాబు అవిశ్వాస తీర్మానం ప్రతిపాదించాలని అనుకున్నారు.

కాగా, స్పీకర్ పదవికి పోటీ పెట్టాలా అనే విషయంపై కూడా చంద్రబాబు సీనియర్ నేతలతో చర్చించారు. అయితే, స్పీకర్ పదవికి అభ్యర్థిని పెడితే వైయస్సార్ కాంగ్రెసు పార్టీ గానీ తెలంగాణ రాష్ట్ర సమితి (తెరాస) గానీ మద్దతు ఇవ్వకపోవచ్చునని, అందువల్ల అవిశ్వాస తీర్మానం ప్రతిపాదిస్తే ఆ రెండు పార్టీలను ఇరకాటంలో పెట్టినట్లవుతుందని చంద్రబాబు భావిస్తున్నారు. జగన్ వర్గానికి చెందిన ఎంత మంది శాసనసభ్యులు ప్రభుత్వానికి వ్యతిరేకంగా ఓటేస్తారనేది ఓ సవాల్ అవుతుందని, వారు కాంగ్రెసు ప్రభుత్వానికి అనుకూలంగా ఓటేస్తే జగన్ కాంగ్రెసుతో కలిసి పనిచేస్తున్నారని విమర్సించి ఇరకాటంలో పెట్టడానికి వీలవుతుందని చంద్రబాబు ఆలోచిస్తున్నారు.

English summary
It is said that TDP president N Chandrababu Naidu may propose No Confidence motion against CM Kiran Kumar Reddy Government.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X