తిరుపతి ఇష్యూపై స్పందించిన చిరంజీవి: రెండు రోజుల్లో రావాలని ఫోన్

హైదరాబాద్: ప్రజారాజ్యం పార్టీ అధ్యక్షులు, తిరుపతి శాసనసభ్యులు చిరంజీవి కనిపించడం లేదన్న శ్రీ వెంకటేశ్వర విశ్వవిద్యాలయం వెటర్నిటీ విద్యార్థుల ఫిర్యాదుపై ఆయన స్పందించారు. ఆందోళన నిర్వహిస్తున్న విద్యార్థులతో చిరంజీవి ఫోన్‌లో మాట్లాడారు. సమస్యను పరిష్కరిస్తానని వారికి హామీ ఇచ్చారు. తనతో చర్చించేందుకు నలుగురు విద్యార్థులు రెండు రోజుల్లో హైదరాబాదు రావాల్సిందిగా ఆయన కోరారు.

కాగా అంతకుముందు పిఆర్పీ అధ్యక్షులు చిరంజీవి గత కొన్ని రోజులుగా కనిపించడం లేదంటూ చిత్తూరు జిల్లా తిరుపతి ఈస్టు పోలీసు స్టేషన్‌లో వెటర్నటీ విద్యార్థులు ఫిర్యాదు చేశారు. తాము 12 రోజులుగా తమ సమస్యలు తీర్చాలంటూ దీక్ష చేస్తున్నామని అయినప్పటికీ తమ ఎమ్మెల్యే అయి ఉండీ తమ సమస్యలపై స్పందించడం లేదని వారు యూనివర్శిటీ పరిధి పిఎస్‌లో ఫిర్యాదు చేశారు. ప్రజా సమస్యలు తీరుస్తానని గెలిచిన చిరంజీవి తమకు కనిపించకుండా పోయాడని వారు పేర్కొన్నారు.

English summary

PRP president Chiranjeevi respond on Tirupati issue. SV university Veternity students complainted against PRP president, Tirupati MLA Chiranjeevi in University Police station today.