నా సంపాదనపై సిబిఐ విచారణ వద్దు: హైకోర్టుకు వైయస్ జగన్

హైదరాబాద్ : తన సంపాదనకు సంబంధించి శాసనసభ్యుడు శంకర్‌రావు రాసిన లేఖ, తెలుగుదేశం పార్టీ నేతలు ఎర్రన్నాయుడు తదితరులు, న్యాయవాది షేర్వాణి దాఖలు చేసిన పిటిషన్‌లు విచారణార్హం కాదంటూ మంగళవారం వై.ఎస్‌.జగన్‌ హైకోర్టుకు నివేదించారు. ఆయనకు చెందిన సాండూర్‌ పవర్‌ ప్రాజెక్టు, జగతి పబ్లికేషన్స్‌లు కూడా కోర్టుకు ఇదే విషయాన్ని తెలిపాయి.

కేవలం రాజకీయ దురుద్దేశాలతో దాఖలు చేసిన పిటిషన్‌లపై విచారణ చేపట్టడం తగదన్నారు. ఆస్తులకు సంబంధించిన ఆరోపణలు, ఇతర వ్యవహారాలపై ఈడీ ఇప్పటికే విచారణ చేపట్టిందని,సీబీఐ విచారణ అవసరం లేదని తెలిపారు. ఎమ్మెల్యే శంకర్‌రావు హైకోర్టుకు లేఖ రాసిన తరువాతే ఆయనకు మంత్రి పదవి లభించిందన్నారు. ఈ పిటిషన్‌లను కొట్టివేయాలని కోరారు.