సౌకర్యాలు కల్పిస్తే ప్రైవేటు పోటీ తగ్గుతుంది: హనుమంతరావు

By Srinivas

Published: Monday, June 13, 2011, 13:56 [IST]

హైదరాబాద్: ప్రభుత్వ పాఠశాలల్లో అన్ని సౌకర్యాలు మెరుగు పరిచి నాణ్యమైన విద్యను అందిస్తే ప్రైవేటు పాఠశాలల పోటీ తగ్గుతుందని కాంగ్రెసు సీనియర్ నాయకుడు వి హనుమంతరావు సోమవారం అభిప్రాయపడ్డారు. సోమవారం ఉదయం ముఖ్యమంత్రి కిరణ్ కుమార్ రెడ్డి రాజధాని హైదరాబాదులోని అమీర్‌పేట ప్రభుత్వ పాఠశాలలో విద్యా పక్షోత్సవాలు ప్రారంభించారు. ఈ సందర్భంగా పలువురు పిల్లలతో ముచ్చటించారు. వారిని పాఠశాలలకు వెళ్లాల్సిందిగా సిఎం సూచించారు. పిల్లలను పాఠశాలలకు పంపాల్సిందిగా తల్లిదండ్రులకు కూడా హితబోధ చేశారు.

అనంతరం మంత్రి సాకే శైలజానాథ్ మాట్లాడారు. విద్యార్థులందరికీ ఈ నెలాఖరులోగా పాఠ్యపుస్తకాలు అందించే ఏర్పాటు చేస్తామని హామీ ఇచ్చారు. వచ్చే సంవత్సరం నాటికి 20 వేల తరగతి గదులను అందుబాటులోకి తీసుకు వస్తామని చెప్పారు. పాఠశాలల్లో సౌకర్యాలు మెరుగు పరుస్తామన్నారు.

Published On June 13, 2011