టి-కాంగ్రెసులో తెలంగాణ ద్రోహులు: మధు యాష్కీ సంచలన వ్యాఖ్యలు

By Srinivas

Published: Friday, June 17, 2011, 14:21 [IST]

న్యూఢిల్లీ: తెలంగాణ ప్రాంత కాంగ్రెసు నేతలలో కొందరు తెలంగాణ ద్రోహులు ఉన్నారని నిజామాబాద్ పార్లమెంటు సభ్యుడు మధుయాష్కీ శుక్రవారం సంచనల వ్యాఖ్యలు చేశారు. కాంగ్రెసు సీనియర్ నేత ఎకె ఆంటోనితో భేటీ అనంతరం ఆయన మీడియాతో మాట్లాడారు. టి-కాంగ్రెసులో తెలంగాణ ద్రోహులున్నారన్నారు. ప్రత్యేక తెలంగాణ రాష్ట్రం ఇవ్వక పోయినా తాము తమ ప్రాంతాలలో మేనేజ్ చేయగలుగుతామని చెప్పేవారు టి-కాంగ్రెసులో ఉన్నారని ఆరోపించారు.

తెలంగాణ రాష్ట్రంపై అధిష్టానం నుండి సానుకూల సంకేతాలు వచ్చినప్పటికీ ఖచ్చితమైన హామీ మాత్రం రాలేదన్నారు. అధిష్టానం కూడా తెలంగాణ సమస్యను త్వరగా పరిష్కరించాలని చూస్తోందన్నారు. అయితే ఇరుప్రాంతాల్లో నష్టం లేకుండా చర్యలు తీసుకునే విధంగా అధిష్టానం యోచిస్తుందని చెప్పారు. తెలంగాణ సమస్య తీవ్రతను అధిష్టానం గుర్తించిందన్నారు.

Published On June 17, 2011