• search
  • Live TV
వరంగల్ వార్తల కోసం
నోటిఫికేషన్స్ పై క్లిక్ చేయండి  

తెలంగాణ సిద్ధాంతకర్త, పెద్ద దిక్కు ప్రొఫెసర్ జయశంకర్ కన్నుమూత

By Pratap
|

K Jayashankar
వరంగల్: తెలంగాణ సిద్ధాంతకర్త, వరగంల్ కాకతీయ విశ్వవిద్యాలయం మాజీ వైస్ చాన్సలర్ ప్రొఫెసర్ జయశంకర్ తుది శ్వాస విడిచారు. ఆయన మంగళవారం ఉదయం తన స్వగృహంలో కన్నుమూశారు. గత కొంత కాలంగా ఆయన క్యాన్సర్ వ్యాధితో బాధపడుతున్నారు. సోమవారం వ్యాధి విషమించడంతో శ్వాస తీసుకోవడం కూడా కష్టమైంది. జయశంకర్ తెలంగాణ రాష్ట్ర ఏర్పాటు ఉద్యమంలో కీలక పాత్ర పోషిస్తూ వస్తున్నారు. ఆయనకు 76 ఏళ్లు. ఆయన 1934 ఆగస్టు 6వ తేదీన జన్మించారు. ఆయన స్వగ్రామం వరంగల్ జిల్లా ఆత్మకూరు మండంలోని అక్కంపేట. ఆయన వివాహం చేసుకోలేదు. జయశంకర్ మృతి వార్త విన్న తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు హనుమకొండకు హుటాహుటిన బయలుదేరారు.

ఆయన పదేళ్ల వయస్సు నుంచి తెలంగాణ కోసం పోరాడుతున్నారు. 1952లో ఆయన నాన్ ముల్కీ ఉద్యమంలో పాల్గొన్నారు. సాంబార్, ఇడ్లీ గోబ్యాక్ ఉద్యమంలో పాల్గొన్నారు. తెలంగాణ, ఆంధ్ర రాష్ట్రాల విలీనాన్ని వ్యతిరేకిస్తూ విద్యార్థి నాయకుడిగా ఆయన 1954లో ఫజల్ అలీ కమిషన్‌కు నివేదిక ఇచ్చారు. మొదటి నుంచి ఆయన ఆంధ్రప్రదేశ్ రాష్ట్ర ఏర్పాటును వ్యతిరేకిస్తున్నారు. తెరాసను ముందుకు నడిపించడంలో ఆయన కీలక పాత్ర పోషిస్తూ వస్తున్నారు. కెసిఆర్‌కు సలహాదారుగా, మార్గదర్శిగా వ్యవహరిస్తూ వస్తున్నారు. అన్ని క్లిష్ట సమయాల్లో ఆయన కెసిఆర్‌కు తన తోడ్పాటు అందించారు.

ఆయన హనుమకొండలో బిఇడి చేశారు. అలీగడ్, బెనారస్ విశ్వవిద్యాలయాల నుంచి అర్థశాస్త్రంలో పట్టా పొందారు. తెలంగాణ రాష్ట్ర ఏర్పాటు ఆవశ్యకతపై ఆయన పుస్తకాలు రాశారు. తెలంగాణలోనే కాకుండా, దేశంలోని ఇతర ప్రాంతాల్లో, విదేశాల్లో తెలంగాణ రాష్ట్ర ఏర్పాటు ఆవశ్యకత గురించి ప్రసంగాలు చేశారు. తెలంగాణలో కాలికి బలపం కట్టుకుని తిరిగారు. ప్రజల సందర్శనార్థం ఆయన మృతదేహాన్ని వరంగల్‌లోని ఏకశిలా పార్కులో ఉంచుతారు. జయశంకర్ మృతికి తెలంగాణ రాజకీయ జెఎసి కన్వీనర్ కోదండరామ్ సంతాపం ప్రకటించారు. జయశంకర్ మృతి తెలంగాణ ఉద్యమానికి పెద్ద లోటు. కెసిఆర్‌కు వ్యక్తిగతంగా తీవ్ర నష్టమే.

English summary
Born on 6th August 1934, Jayashankar one of the popularly scholar advisor about Telangana.He is one of the advisor, activist and supporter of Separation of Telangana. The issue before the formation of Andhra Pradesh or Vishaalandra,Shankar has involved in the movement of Telangana. He worked as various positions in teaching and advising.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X