నా భార్యకు ఇతరులతో సంబంధం, ప్రియుడితో కలిసి కిడ్నాప్: ఎన్నారై

By Srinivas

Published: Tuesday, May 29, 2012, 12:22 [IST]

హైదరాబాద్: తన కూతురు గత కొన్ని రోజులుగా కనిపించడం లేదని అందుకు తన భార్య, భార్యతో పాటు ఆమె ప్రియుడు కారణం అని ఆరోపిస్తు అమెరికాకు చెందిన ఓ తండ్రి పోలీసు స్ఠేషన్‌లో ఫిర్యాదు చేయించడంతోపాటు రాష్ట్ర మానవ హక్కుల కమిషన్‌కు కూడా ఫిర్యాదు చేశాడు. తన భార్యకు అనేక మందితో సంబంధాలున్నాయని భర్త పేర్కొనడం విశేషం. భిన్న పార్శ్వాలున్న ఈ కేసు వివరాల్లోకి వెళితే పశ్చిమ గోదావరి జిల్లా, పాలకొల్లుకు చెందిన బుడితి వెంకటరమణ అమెరికాలో తొమ్మిదేళ్ళగా ఉంటున్నారు. ఆయన భార్య నాగమాధురి, 16 ఏళ్ల కుమార్తె సాహితీ రమణ, 11 ఏళ్ల కొడుకు భువనచంద్రతో కలిసి పాలకొల్లులోనే ఉంటోంది. మే 1 నుంచి సాహితీ రమణ కనపడడం లేదని, అమెరికాలో ఉన్న తండ్రి వెంకటరమణ ఫ్యాక్స్ ద్వారా హైదరాబాద్‌లోని రాష్ట్ర మానవ హక్కుల కమిషన్‌కు ఫిర్యాదు చేశారు. ఆ ఫిర్యాదులో తన భార్య కు పలువురితో వివాహేతర సంబంధాలున్నాయని, ప్రస్తుతం కుమార్ అనే రౌడీషీటర్‌తో కలిసి ఉంటోందని పేర్కొన్నారు.

మే 1న చర్చికి తాను రమ్మన్నా సాహితీ రాలేదని, మధ్యాహ్నం ఇంటికొచ్చేసరికి ఇం టికి తాళం వేసి ఉందని నా భార్య చెబుతోందని ఫిర్యాదులో పేర్కొన్నా రు. దీనిపై పోలీసు కేసు పెట్టమన్నా తాత్సారం చేసిందని, విశాఖలో ఉంటున్న తన తల్లి అన్నపూర్ణమ్మతో మే 4న పాలకొల్లు పోలీసుస్టేషన్ లో ఫిర్యాదు చేయించాచని తెలిపారు. 50 రోజులైనా సాహితీ జాడలేదని, తన భార్య, ఆమె తాజా ప్రియుడిపైనే అనుమానంగా ఉందని తెలిపారు. దీనిపై దర్యాప్తు చేయించి కూతురి జాడ తెలియజేయగలరని ఆ ఫిర్యాదులో వెంకటరమణ పేర్కొన్నారు. స్థానిక పోలీసులను తన భార్య, ఆమె ప్రియుడు మేనేజ్ చేస్తున్నారని ఆయన అనుమానం వెలిబుచ్చారు. దీనిపై స్పందించిన హెచ్చార్సీ తాత్కాలిక చైర్‌పర్సన్ కాకుమాను పెదపేరిరెడ్డి, ఈ ఉదంతంపై దర్యాప్తు జరిపి సమగ్ర నివేదిక సమర్పించమని పశ్చిమగోదావరి జిల్లా ఎస్పీని ఆదేశించారు.

Published On May 29, 2012