• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

చిరు వర్గానికి కడప జిల్లా నేతలు షాక్, రామచంద్రయ్యపై తీవ్ర వ్యతిరేకత

By Pratap
|

Chiranjeevi
హైదరాబాద్: చిరంజీవి వర్గానికి కడప జిల్లా కాంగ్రెసు నాయకులు షాక్ ఇచ్చారు. రాష్ట్ర మంత్రిమండలి పునర్వవస్థీకరణ చేస్తారంటూ వస్తున్న వార్తల నేపథ్యంలో చిరంజీవికి అత్యంత సన్నిహితుడైన సి. రామచంద్రయ్యను మంత్రివర్గంలోకి తీసుకోవద్దని వారు పట్టుబడుతున్నారు. సి. రామచంద్రయ్యకు ఎట్టి పరిస్థితుల్లో మంత్రి పదవి ఇవ్వడానికి వీల్లేదంటూ ముఖ్యమంత్రి కిరణ్ కుమార్ రెడ్డికి విన్నవించినట్లు సమాచారం. ఎమ్మెల్సీగా ఎన్నికైన సి. రామచంద్రయ్యను రాష్ట్ర మంత్రివర్గంలోకి తీసుకోవాలని చిరంజీవి ప్రతిపాదిస్తున్నారు. మంత్రివర్గ పునర్వ్యస్థీకరణలో ప్రజారాజ్యం పార్టీకి చెందిన నాయకులకు రెండు మంత్రి పదవులు దక్కుతాయి.

సి. రామచంద్రయ్యను మంత్రివర్గంలోకి తీసుకోవాలనే ప్రతిపాదనను కాంగ్రెసు శాసనసభ్యుడు వీరశివా రెడ్డి బహిరంగంగానే వ్యతిరేకిస్తున్నారు. సి.రామచంద్రయ్యకు మంత్రి పదవి వద్దని చెపుతున్న నాయకుల్లో ఓ మంత్రి కూడా ఉన్నట్లు సమాచారం. అయితే, సి. రామచంద్రయ్యకు మంత్రి పదవి ఇచ్చే విషయంపై చిరంజీవి మెట్టు దిగే పరిస్థితి లేదు. అందువల్ల ముఖ్యమంత్రి కిరణ్ కుమార్ రెడ్డి చిరంజీవి వైపే మొగ్గు చూపే అవకాశాలున్నాయని అంటున్నారు. దానికి తోడు, సి. రామచంద్రయ్యకు పిసిసి అధ్యక్షుడు బొత్స సత్యనారాయణ మద్దతు కూడా ఉంది. కాంగ్రెసులో ప్రజారాజ్యం పార్టీ విలీనం కావడంలో రామచంద్రయ్య కీలక పాత్ర పోషించారు. చిరంజీవికి ఆయన వెన్నుదన్నుగా ఉంటున్నారు.

English summary
Congress Kadapa leaders are opposing proposal of giving ministry to C Ramachandraiah, who is very close associate of Chiranjeevi.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X