విమర్శలు సరే...పదవి వదలవెందుకు: నాగంకు సీతక్క ప్రశ్న

వరంగల్: తెలుగుదేశం పార్టీ బహిష్కృత శాసనసభ్యుడు నాగం జనార్దన్ రెడ్డిని టిడిపి శాసనసభ్యురాలు సీతక్క శుక్రవారం ప్రశ్నించారు. నిత్యం తెలుగుదేశం పార్టీ అధినేత చంద్రబాబు నాయుడును విమర్శిస్తున్న నాగం ఆయన ద్వారా వచ్చిన పదవిని ఎందుకు వదలడం లేదని ప్రశ్నించారు. ఆయన తన పదవికి రాజీనామా చేసి మాట్లాడారన్నారు. టిడిపి ఎమ్మెల్యేలు ఉన్న నియోజకవర్గాల్లో ఇంఛార్జులను నియమిస్తానని చెప్పిన నాగం ఏ పార్టీ తరఫుని నియమిస్తారని ప్రశ్నించారు. టిడిపి తెలంగాణకు కట్టుబడి ఉందన్నారు. తెలంగాణ రాష్ట్రం రావడం ఇష్టం లేనివారే టిడిపిని బూచిగా చేపిస్తున్నారని ఆరోపించారు.

తెలంగాణ కోసం తెలుగుదేశం పార్టీ ఉద్యమిస్తున్నప్పటికి కావాలనే తమపై తెలంగాణ రాష్ట్ర సమితి దాడులు చేస్తోందని ఆరోపించారు. టిఆర్ఎస్, కాంగ్రెసు రెండు పార్టీలు కుమ్మక్కై టిడిపిని దోషిని చేసే ప్రయత్నాలు చేస్తుందన్నారు. ప్రజలు గమనిస్తున్నారని అన్నారు. దివంగత ఎన్టీఆర్ పటేల్ వ్యవస్థను రద్దు చేశారని అందుకు తెలంగాణ అగ్రవర్ఘాల్లో కోపం ఉందన్నారు. అందుకే జయశంకర్ అంతిమయాత్రలో ఎన్టీఆర్‌కు అవమానం జరిగిందన్నారు.

English summary

TDP mla Seethakka questioned Nagam Janardhan Reddy why he is not resigning for his post. She blamed TRS for attacks on Telugudesam.