చంద్రబాబును కలవనున్న అన్నాహజారే బృందం

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడును కలవడాని అన్నాహజారే బృందం వచ్చే నెల హైదరాబాద్ రానుంది. గత కొన్నాళ్లుగా జన్ లోక్‌పాల్ బిల్లు కోసం పోరాటం చేస్తున్న అన్నాహజారే బృందం జాతీయస్థాయిలో పార్టీల మద్దతు కూడగట్టే ప్రయత్నాలు చేస్తుంది. ఇందులో భాగంగా వచ్చే నెల జూలై 2వ తేదిన అన్నాహజారే బృందంలోని లోక్‌పాల్ ముసాయిదా కమిటీ సభ్యుడు అరవింద్ కేజ్రీవాల్ నేతృత్వంలోని బృందం హైదరాబాద్ రానుంది.

చంద్రబాబును కలిసి లోక్ పాల్ బిల్లుకు మద్దతు ఇవ్వాలని కేజ్రీవాల్ కోరనున్నారు. ప్రధానమంత్రిని, సుప్రీం కోర్టు జడ్జిని కూడా లోక్ పాల్ పరిధిలోకి తీసుకు రావడానికి మద్దతు పలకాలని ఆయన కోరనున్నారు. తాము జూలై 2న మీ మద్దతు కోసం హైదరాబాద్ రానున్నామని అన్నాహజారే బృందం చంద్రబాబుకు లేఖ రాశారు. కాగా ప్రధాని, ప్రధాన న్యాయమూర్తి లోక్ పాల్ పరిధిలోకి వచ్చే విషయాన్ని టిడిపి కూడా పరిశీలిస్తోందన్నారు.

English summary

Anna Hazare team members will come to met TDP president Nara Chandrababu Naidu for support Jan Lokpal bill.