• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఫిక్స్‌లో కాంగ్రెసు: వెనక నుయ్యి ముందు గొయ్యి

By Pratap
|

Manmohan Singh
న్యూఢిల్లీ‌‌: తమ పార్టీ తెలంగాణ ప్రజాప్రతినిధుల రాజీనామాలతో కాంగ్రెసు అధిష్టానం ఇరకాటంలో పడింది. వారికి నచ్చజెప్పడానికి చేసిన ప్రయత్నాలు కూడా ఫలించలేదు. దీంతో కాంగ్రెసు అధిష్టానం పరిస్థితి వెనక నుయ్యి ముందు గొయ్యిలా తయారైంది. ఈ స్థితిలో ప్రధాని మన్మోహన్ సింగ్ నివాసంలో కాంగ్రెసు కోర్ కమిటీ సమావేశంలో బుధవారం సాయంత్రం జరిగింది. తెలంగాణకు అనుకూలంగా నిర్ణయం తీసుకుంటే సీమాంధ్ర ప్రజాప్రతినిధులు కూడా రాజీనామా చేసే పరిస్థితి ఉండడంతో సమస్యను ఎలా పరిష్కరించాలనే విషయంపై కాంగ్రెసు అధిష్టానం ఎటూ తేల్చుకోలేకపోతోంది. అయితే, తెలంగాణ నుంచి తక్కువ మంది పార్లమెంటు సభ్యులు మాత్రమే ఉండడంతో ప్రభుత్వానికి ప్రమాదం ఉండదనే దీమా మాత్రం కాంగ్రెసు అధిష్టానంలో ఉంది. అందువల్ల తెలంగాణ ప్రజాప్రతినిధులకు వ్యతిరేకంగానే వ్యవహరించడానికి సిద్ధపడినట్లు తెలుస్తోంది.

సీమాంధ్ర నుంచి ఎక్కువ మంది పార్లమెంటు సభ్యులు ఉండడం, వారికి లాబీయింగ్ శక్తి ఎక్కువగా ఉండడం వల్ల కాంగ్రెసు అధిష్టానం వారి నుంచి వ్యతిరేకతను ఎదుర్కోవడానికి సిద్ధంగా లేనట్లు చెబుతున్నారు. ఈ స్థితిలో కాంగ్రెసు ప్రజాప్రతినిధులకు మాత్రమే నచ్చజెప్పేందుకు ప్రయత్నిస్తోంది. ఎఐసిసి అధికార ప్రతినిధి మనీష్ తివారీ మాటల్లో ఇదే కనిపిస్తోంది. తెలంగాణ ప్రజాప్రతినిధులు ఓపిక పట్టాలని, ఓపిక పడితేనే తెలంగాణకు నిర్మాణాత్మక పరిష్కారం లభిస్తుందని ఆయన బుధవారం మీడియా ప్రతినిధులతో అన్నారు. తెలంగాణ సమస్య పరిష్కారానికి చర్చలకు సహకరించాలని ఆయన సూచించారు.

చర్చలు తెలంగాణ రాష్ట్ర ఏర్పాటు కోసమే జరగాలని, అందుకు నిర్దిష్ట కాలపరిమితి పెట్టాలని తెలంగాణ పార్లమెంటు సభ్యులు కాంగ్రెసు అధిష్టానాన్ని కోరారు. అయితే, అందుకు కాంగ్రెసు అధిష్టానం సిద్ధంగా లేదు. తెలంగాణ ప్రజాప్రతినిధులను బుజ్జగించే ప్రయత్నాలు మరింత కాలం కొనసాగించాలని, తద్వారా కొంత మంది వెనక్కి తగ్గవచ్చునని కూడా కాంగ్రెసు అధిష్టానం యోచిస్తోంది.

English summary
Congress high command is in fix on Telangana issue. Telangana issue became a serious issue to it.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X