• search
  • Live TV
విజయవాడ వార్తల కోసం
నోటిఫికేషన్స్ పై క్లిక్ చేయండి  

రగులుతున్న సీమాంధ్ర, నేతలకు ఐకాస హెచ్చరిక

By Pratap
|

Telangana
విజయవాడ‌: ప్రత్యేక రాష్ట్ర డిమాండ్‌తో తెలంగాణ ప్రజాప్రతినిధుల మూకుమ్మడి రాజీనామాలు సీమాంధ్ర ప్రాంతంలో అలజడిరేపాయి. ఒత్తిళ్లకు కేంద్రం లొంగిపోతే రాష్ట్రం అగ్నిగుండం అవుతుందని విద్యార్థి ఐకాసల నేతలు హెచ్చరించారు. తెలంగాణ ప్రజాప్రతినిధులకు దీటుగా సీమాంధ్ర ప్రాంత ప్రజాప్రతినిధులూ స్పందించాలని, రాజీనామాలకు సిద్ధం కావాలని పిలుపునిచ్చారు. వివిధ రూపాల్లో ఆందోళనలకు సన్నాహాలు చేస్తున్నారు. మరోవైపు పార్టీల కతీతంగా కార్యక్రమాలు చేపట్టేందుకు అఖిల పక్ష నేతలు సన్నద్ధమవుతున్నారు.

బుధవారం సీమాంధ్రలోని అన్ని విశ్వవిద్యాలయాల్లోనూ రౌండ్‌ టేబుల్‌ సమావేశాలు నిర్వహించాలని విశాఖపట్నంలోని ఆంధ్రవిశ్వవిద్యాలయంలో మంగళవారం భేటీ అయిన సమైక్యాంధ్ర విద్యార్థి ఐకాస నిర్ణయించింది. 7న మానవ హారాలు, 8న నిరసనలు, 9న సీమాంధ్ర ప్రజాప్రతినిధులతో సమావేశాలను ఏర్పాటు చేయనున్నట్లు తెలిపారు. రాష్ట్రం కలసి ఉండాలన్నదే సీమాంధ్రుల ప్రగాఢ ఆకాంక్ష అని కృష్ణా జిల్లా తెదేపా అధ్యక్షుడు, ఎమ్మెల్యే దేవినేని ఉమామహేశ్వరరావు తెలిపారు.

ప్రత్యేక తెలంగాణకు అనుకూలంగా ఎలాంటి నిర్ణయం తీసుకున్నా సీమాంధ్ర అగ్నిగుండంగా మారుతుందని సమైక్యాంధ్ర విద్యార్థి ఐకాస రాష్ట్ర కో కన్వీనర్‌ డీవీ కృష్ణయాదవ్‌ హెచ్చరించారు. నెల్లూరులో సమైక్యాంధ్ర విద్యార్థి ఐకాస ఆధ్వర్యంలో సీమాంధ్ర మంత్రులు, ఎమ్మెల్యేలు, ఎమ్మెల్సీల దిష్టిబొమ్మను దహనం చేశారు. కాంగ్రెస్‌ చేతగాని తనం వల్లే రాష్ట్రంలో వేర్పాటువాద ఉద్యమాలు తలెత్తుతున్నాయని విమర్శించారు. రాష్ట్రాన్ని ముక్కలు చేయవద్దని, 14 (ఎఫ్‌)ను తొలగించవద్దని కోరుతూ గుంటూరు సమీపంలోని నాగార్జున విశ్వవిద్యాలయంలో సమైక్యాంధ్ర రాజకీయ ఐకాస, విద్యార్థి ఐకాసల ఆధ్వర్యంలో విద్యార్థులు నిరసన తెలిపారు.విశాఖపట్నం, తదితర ప్రాంతాల్లో కూడా ఆందోళనలు జరిగాయి.

English summary
The agitation to keep Andhra Pradesh united picked up momentum again in coastal and Rayalaseema districts in response to the mass resignations by Telangana legislators and MPs, who were demanding bifurcation of the state.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X