ఇటు సీమాంధ్ర లాయర్లు అటు తెలంగాణ లాయర్లు

హైదరాబాద్: ప్రత్యేక తెలంగాణ రాష్ట్రం కోరుతూ రాజీనామాలు సమర్పించిన టి-తెలుగుదేశం, టి-కాంగ్రెసు, బిజెపి, సిపిఐ, టిఆర్ఎస్ కార్యకర్తలపై సీమాంధ్ర లాయర్లు ఓ వైపు ధ్వజమెత్తితే, ఉస్మానియా విశ్వవిద్యాలయంలో పోలీసుల కాల్పులపై తెలంగాణ ప్రాంత లాయర్లు మానవ హక్కుల కమిషన్‌కు ఫిర్యాదు చేశారు. రాజీనామాలు చేసిన తెలంగాణ ప్రజాప్రతినిధులపై సమైక్యాంధ్ర లాయర్ల పోరాట సమితి విరుచుకు పడ్డారు. రాజీనామాలు చేయడం సరికాదన్నారు. రాజీనామాలతో సమస్యలు పరిష్కారం కావన్నారు. రాజీనామాలు చేసిన వారి నుండే డబ్బులు వసూలు చేసి ఉప ఎన్నికలు నిర్వహించాలని ఎన్నికల సంఘాన్ని డిమాండ్ చేశారు. రాజీనామాలు చేసి ఓటు వేసి గెలిపించిన ప్రజల నమ్మకాన్ని వమ్ము చేశారని ధ్వజమెత్తారు. కేంద్ర ప్రభుత్వం వేసిన కమిటీ ఓ నివేదిక ఇచ్చిందని కేంద్రం వెంటనే నివేదికను అమలు చేయాలన్నారు. ప్రత్యేక వాదం పేరుతో మూకుమ్మడి రాజీనామాలు సరికాదన్నారు.

మరోవైపు ఉస్మానియా విశ్వవిద్యాలయంలో పోలీసులు కాల్పులపై తెలంగాణ ప్రాంత లాయర్లు హెచ్చార్సీకి ఫిర్యాదు చేశారు. లాయర్ల ఫిర్యాదుకు స్పందించిన హెచ్చార్సీ వెంటనే ఓయు ఘటనపై నిజనిర్ధారక కమిటీ వేయాలన్నారు. గురువారంలోగా నివేదిక ఇవ్వాలని ఓయు విసికి, హోంశాఖ కార్యదర్శికి, పోలీసు కమిషనర్‌కు ఆదేశాలు జారీ చేశారు. ఓయులో అంబులెన్సు ఏర్పాటు చేసి గాయపడ్డ వారికి చికిత్స అందించాలని ఆదేశించింది.

English summary

Seemandhra lawyers fired at Telangana leaders for their resignation. They demanded EC that to collect byelection amount from resigned leaders. T-Lawyers complainted against police firing in OU.