సాయి ప్రతాప్ రాజీనామా, కిషోర్ చంద్రదేవ్‌కు పదవి

By Srinivas

Published: Tuesday, July 12, 2011, 13:24 [IST]

న్యూఢిల్లీ: కేంద్ర మంత్రివర్గంలో మొదటి వేటు రాష్ట్రంపైనే పడింది. దివంగత ముఖ్యమంత్రి వైయస్ రాజశేఖర రెడ్డి సిఫార్సు మీద కేంద్ర సహాయ మంత్రి పదవి దక్కించుకున్న సాయి ప్రసాద్‌ పైనే మొదట వేటు పడింది. ఆయన తన రాజీనామాను ప్రధానమంత్రి మన్మోహన్ సింగ్‌కు మధ్యాహ్నం పంపించారు. ప్రధాని ఆదేశాల మేరకే ఆయన రాజీనామా చేసినట్లు తెలుస్తోంది. గత కడప ఉప ఎన్నికలలో సైతం ఆయన వైయస్సాఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డికి అనుకూలంగా మాట్లాడక పోయినప్పటికీ కాంగ్రెసు పార్టీకి లాభం చేకూర్చే విధంగా ఎలాంటివి చేయలేదని అధిష్టానం అభిప్రాయపడినందునే సాయిప్రతాప్‌కు ఉద్వాసన పలికినట్లుగానే తెలుస్తోంది.

అంతేకాకుండా వైయస్‌కు సన్నిహితుడు అయిన సాయి ప్రతాప్ ముందు ముందు వైయస్సాఆర్ కాంగ్రెసు పార్టీ అధ్యక్షుడు జగన్‌ వెంట వెళ్లే అవకాశాలు సైతం ఉండటంతో ఆయనపై వేటు పడినట్లుగా తెలుస్తోంది. కాగా కిషోర్ చంద్రదేవ్‌కు గతంలో స్పీకర్ పదవి ఇస్తారని భావించినప్పటికీ ఇప్పటికీ ఆయనకు కేంద్ర కేబినెట్ హోదా లభించింది. ఆయనకు పంచాయతీరాజ్, గిరిజన శాఖ మంత్రిత్వ శాఖను అప్పగించారు. సాయిప్రతాప్ స్థానంలో కావురి సాంబశివరావును తీసుకుంటారని భావించినప్పటికీ కిషోర్ ను తీసుకున్నారు. ఆయనకు ఇప్పటికే చాలా ఆలస్యమయిందని భావించే వారు ఉన్నారు. ఎస్టీ కావడం, వివాదాలు లేక పోవడం కిషోర్ కు కలిసి వచ్చింది.

Published On July 12, 2011