విడిపోయి కలిసుందాం: సిక్కోలులో నారాయణమూర్తి

శ్రీకాకుళం: ప్రత్యేక తెలంగాణ రాష్ట్ర అంశంపై ప్రముఖ సినీ దర్శక, నటుడు ఆర్ నారాయణ మూర్తి గురువారం ఉత్తరాంధ్రలో వ్యాఖ్యానించాడు. శ్రీకాకుళం జిల్లాలో ఉన్న ఆర్ నారాయణ మూర్తి మాట్లాడుతూ ప్రత్యేక తెలంగాణ రాష్ట్రం కోరుతున్న తెలంగాణ ప్రజలది న్యాయమైన కోరిక అని ఆయన అన్నారు. సమైక్యాంధ్రలో తెలంగాణ అభివృద్ధికి నోచుకోలేక పోయిందని అన్నారు. తెలంగాణ ఇవ్వడంలో తప్పు లేదన్నారు.

ఆంధ్రా ప్రాంతంలోని బడుగు, బలహీన వర్గాల ప్రజలు ప్రత్యేక తెలంగాణ రాష్ట్రానికి మద్దతు పలుకుతున్నారని అన్నారు. అన్నదమ్ముల్లా విడిపోయి ఆత్మీయుల్లా కలిసి ఉందామని ఇరు ప్రాంతాల ప్రజలకు సూచించారు. కాగా సీమాంధ్ర ప్రాంతానికి చెందిన ఆర్ నారాయణ మూర్తి తెలంగాణకు మద్దతు పలుకుతున్నట్టు పలు సందర్భాల్లో చెప్పారు.

English summary

Cine director and actor R Narayana Murthy supported seperate Telangana today in Srikakulam district.