కారులో వస్తున్న మంత్రిపై తెలంగాణవాదుల దాడి

By Srinivas

Published: Thursday, July 14, 2011, 11:47 [IST]

వరంగల్: తెలంగాణ జిల్లాల్లో రైలు రోకో కారణంగా కారులో హైదరాబాదు వస్తున్న ఓ మంత్రిపై కారుపై తెలంగాణవాదులు దాడి చేశారు. మంత్రి తోట నరసింహం గౌతమి ఎక్స్‌ప్రెస్‌లో హైదరాబాదు బయలుదేరారు. అయితే వరంగల్‌లో రైలు రోకో వల్ల రైలు ఆగి పోవడంతో తోట నరసింహం కారులో హైదరాబాదు బయలు దేరారు. అయితే తెలంగాణవాదులు మంత్రి కారును అడ్డుకున్నారు. తెలంగాణకు అనుకూలంగా నినాదాలు చేశారు. మంత్రి కారుపై దాడి చేసి అద్దాలు పగులగొట్టారు. పోలీసులు జోక్యం చేసుకోవడంతో పరిస్థితి సద్దుమణిగింది.

కాగా తెలంగాణవాదుల తీరుపై మంత్రి ఆగ్రహం వ్యక్తం చేశారు. రైలు రోకో వల్ల ప్రజలు తీవ్ర ఇబ్బందులకు గురవుతున్నారని ఆవేదన వ్యక్తం చేశారు. రైలు రోకో కారణంగా గౌతమి ఎక్స్‌ప్రెస్ ఆగి పోవడంతో తాము రోడ్డు మార్గాన ప్రయాణిస్తున్నామని, రోడ్డు మార్గాన ప్రయాణించే వారిని కూడా అడ్డుకోవడం విచారకరమన్నారు. ఇలాంటి కార్యక్రమాలు సరైనవి కాదని ఆయన అభిప్రాయపడ్డారు.

Published On July 14, 2011