విజయవాడ భేటీకి వెళ్లిన తెలంగాణ నేతల అరెస్టు

విజయవాడ: కృష్ణా జిల్లా బెజవాడలో తెలంగాణ ప్రాంత నేతలకు చుక్కెదురయింది. విజయవాడలోని ప్రెస్ క్లబ్‌లో జరుగుతున్న ఆంధ్రా - తెలంగాణ రౌండ్ టేబుల్ సమావేశానికి పలువురు తెలంగాణ ప్రతినిధులు వెళ్లారు. వారిని సమైక్యాంధ్ర విద్యార్థి ఐక్య కార్యాచరణ సమితి అడ్డుకున్నారు. సీమాంధ్రలో అందరూ సమైక్యాంధ్రనే కోరుకుంటున్నారని ఇలాంటి ప్రాంతంలో అనవసరంగా ప్రజలను రెచ్చగొట్టేందుకే వేర్పాటు వాద సమావేశాలు నిర్వహిస్తున్నారని వారు ఆరోపించారు. ఆంధఅరా - తెలంగాణ రౌండ్ టేబుల్ సమావేశాన్ని ఎట్టి పరిస్థితుల్లోని కొనసాగనివ్వమని హెచ్చరించారు.

వేర్పాటు ఉద్యమానికి ఇక్కడ అవకాశం ఇచ్చే ప్రసక్తే లేదని సమైక్యవాదులు తేల్చి చెప్పారు. దీంతో ప్రెస్ క్లబ్ సమీపంలో ఉద్రిక్త పరిస్థితి నెలకొంది. ఇరువర్గాల మధ్య తోపులాట జరిగింది. పరిస్థితి చేయి దాటుతుండటంతో పోలీసులు కల్పించుకొని ఇరువర్గాలను సముదాయించే ప్రయత్నం చేశారు. అయితే ఇరువర్గాలు ఎంతకూ వినక పోవడంతో పోలీసులు రౌండ్ టేబులు సమావేశానికి వచ్చిన తెలంగాణ నేతలను, సీమాంధ్ర నేతలను అరెస్టు చేశారు.

English summary

Telangana leaders arrested by Vijayawada police today at Vijayawada press club.