వైయస్ జగన్ రెండు మూడు రోజుల్లో జైలుకు: ఆనం

By Srinivas

Published: Sunday, July 31, 2011, 15:08 [IST]

నెల్లూరు: వైయస్సాఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి నేడో రేపో జైలుకు వెళ్లడం ఖాయమని ఎస్పీఎస్ నెల్లూరు జిల్లా శాసనసభ్యుడు ఆనం వివేకానంద రెడ్డి ఆదివారం అన్నారు. సిబిఐ విచారణలో జగన్ ఆస్తులు అక్రమమని తేలితే అతనికి శిక్ష తప్పదన్నారు. జగన్ ఆస్తులపై సిబిఐ విచారణలో తేలుతుందని అభిప్రాయపడ్డారు. తెలంగాణ ఉద్యమం పిచ్చోడి చేతిలో రాయిలా తయారయిందన్నారు.

ప్రజల కష్టాన్ని జీతంగా తీసుకుంటున్న తెలంగాణ ఉద్యోగులు సమ్మె ద్వారా ప్రజలకు తీవ్ర ఇబ్బందులు కలుగజేస్తున్నారని వారిపై రాజద్రోహం కేసు పెట్టాలని డిమాండ్ చేశారు. ప్రభుత్వ జీతం తీసుకుంటున్న తెలంగాణ ఐక్య కార్యాచరణ సమితి చైర్మన్ ఆచార్య కోదండరామ్ ప్రభుత్వానికి వ్యతిరేకంగా పని చేస్తున్నాడని ఆయనను కఠినంగా శిక్షించాలని డిమాండ్ చేశారు. లేదంటే ఉద్యోగం నుండి తొలగించాలన్నారు. కోదండరామ్ విద్యార్థులను పెడదోవ పట్టిస్తున్నాడని ఆరోపించారు.

Published On July 31, 2011