డిఎంకె నేత స్టాలిన్, సినీనటి ఖుష్బూ అరెస్టు

చెన్నై: డిఎంకె నేత, మాజీ ఉప ముఖ్యమంత్రి ఎంకె స్టాలిన్‌ను సోమవారం పోలీసులు అదుపులోకి తీసుకున్నారు. ఆయనతో పాటు సినీ నటి ఖుష్బూను కూడా పోలీసులు అరెస్టు చేశారు. తమ పార్టీ నేతలపై ముఖ్యమంత్రి జయలలిత ప్రభుత్వం వేధింపు చర్యలకు దిగడాన్ని నిరసిస్తూ డిఎంకె రాష్ట్రవ్యాప్త నిరసన కార్యక్రమాలను చేపట్టింది. ఈ సందర్భంగా చెన్నైలో నిరసన ప్రదర్శన చేపట్టిన స్టాలిన్‌ను పోలీసులు అరెస్టు చేశారు.

సమావేశానికి అనుమతి లేకపోవడం వల్లనే స్టాలిన్‌ను అరెస్టు చేసినట్లు పోలీసులు తెలిపారు. స్టాలిన్ దాదాపు 3 వేల మందితో ప్రదర్శన చేపట్టారు. వారంలో పోలీసులు మాజీ ముఖ్యమంత్రి కరుణానిధికి అత్యంత సన్నిహితులైన డిఎంకె నాయకులపై భూకబ్జా వంటి కేసులు పెట్టి అరెస్టు చేస్తూ వస్తున్నారు. భూకబ్జాలపై ప్రభుత్వం 2001 నుంచి విచారణ చేపట్టాలని స్టాలిన్ డిమాండ్ చేశారు. అన్నాడియంకె నేతల భూకబ్జా వ్యవహారాలు కూడా వెలుగులోకి వస్తాయని ఆయన అన్నారు.

English summary

MK Stalin, former Deputy Chief Minister of Tamil Nadu, has been taken into police custody in Chennai for leading a demonstration attended by nearly 3000 people.