తెలంగాణపై సుష్మా స్వరాజ్‌తో లగడపాటి పోటీ

న్యూఢిల్లీ: తెలంగాణ అంశంపై బిజెపి నాయకురాలు సుష్మా స్వరాజ్‌తో పోటీ పడాలని కాంగ్రెసు విజయవాడ పార్లమెంటు సభ్యుడు లగడపాటి రాజగోపాల్ అనుకుంటున్నారు. తెలంగాణపై సావధాన తీర్మానం కింద మాట్లాడేందుకు సుష్మా స్వరాజ్‌కు అవకాశం ఇస్తే తనకు కూడా అవకాశం ఇవ్వాలని లగడపాటి లోకసభ స్పీకర్ మీరా కుమార్‌ను కోరారు.

తెలంగాణపై సావధాన తీర్మానం కింద మాట్లాడేందుకు అవకాశం కల్పించాలని సుష్మా స్వరాజ్ ఇదివరకే నోటీసు ఇచ్చారు. ఈ నోటీసు కింద ఆమె ప్రతిపాదించిన తీర్మానం ఈ నెల 9వ తేదీన చర్చకు వచ్చే అవకాశం ఉంది. సుష్మా స్వరాజ్ తెలంగాణకు పూర్తి మద్దతు ఇస్తున్న విషయం తెలిసిందే. ఆమె వాదనను ఖండించడానికే లగడపాటి రాజగోపాల్ తనకు అవకాశం ఇవ్వాలని స్పీకర్‌ను కోరినట్లు భావిస్తున్నారు.

English summary

Congress MP Lagadapati Rajagopal appealed speaker to speak, if BJP leader Sushma Swaraj is permitted to speak on Telangana issue.