పసికందును చంపినందుకు తండ్రికి మరణ శిక్ష

By Srinivas

Published: Friday, August 5, 2011, 19:13 [IST]

విశాఖపట్నం: అభం శుభం తెలియని పసికందును చంపినందుకు విశాఖపట్నం ఫ్యామిలీ కోర్టు ఓ తండ్రికి ఉరిశిక్ష విధిస్తూ సంచలన తీర్పు ఇచ్చారు. తండ్రికి మరణ శిక్ష, అతనికి సహాయం చేసినందుకు తల్లికి సంవత్సరం పాటు జైలు శిక్ష విధిస్తూ తీర్పు చెప్పింది. విశాఖపట్నం జిల్లాలోని తాటిచెట్లపాలెంకు చెందిన ఓ దంపతులకు ఇటీవల ఓ ఆడపిల్ల పుట్టింది. ఆడపిల్లలంటే ఇష్టం లేని తండ్రి ఆ పసికందుకు ముప్పై రోజులు వచ్చిన తర్వాత ఆ పాపను చంపేశాడు.

ఈ సంఘటన ఆరు నెలల క్రితం చోటు చేసుకుంది. పసికందును చంపిన విషయం తల్లికి తెలియదు. ఆ పసికందును చంపేసిన తర్వాత తండ్రి తన భార్యకు ఈ విషయాన్ని బయటకు పొక్క నీయవద్దని హెచ్చరించారు. తాను పూడ్చి పెట్టిన తర్వాత తన పాపను ఎవరో ఎత్తుకు వెళ్లాలని భార్యను ఆదేశించాడు. దీంతో ఆమె అలాగే చేసింది. సాక్ష్యాధారాలను కప్పి పుచ్చినందున ఆమెకు సంవత్సరంపాటు జైలు శిక్ష విధించారు.

Published On August 5, 2011