భారత్ స్టాక్ మార్కెట్‌పై అమెరికా బిల్లు ప్రభావం

ముంబై: ఈ నెల నాలుగవ తారీఖున అమెరికా చట్ట సభలలో ప్రవేశ పెట్టిన రుణ సంక్షోభ బిల్లు ఆసియా మార్కెట్లను వెంటాడుతోంది. అమెరికా బిల్లు పెట్టకుంటే భారీగా నష్టాల్లో కూరుకు పోవాల్సి వస్తుందని భావించినప్పటికీ రుణ బిల్లు ఆమోదం పొందినా ఇన్వెస్టర్లలో నమ్మకం కలిగినట్టుగా కనిపించడం లేదు. అటు అమెరికాతో పాటు ఆసియా దేశాలలోని మార్కెట్ల పైనా తీవ్ర ప్రభావం పడుతోంది. శుక్రవారం భారత స్టాక్ మార్కెట్ భారీ నష్టాలతో ప్రారంభం అయింది. సెన్సెక్స్ 400 పాయింట్లు పడిపోగా, నిఫ్టీ 120 పాయింట్లకు పైగా నష్టపోయింది.

అయితే అమెరికాపై ఆధార పడ్డ ఎక్స్‌పోర్టు తదితర వ్యాపారాలలో భారత్‌తో నష్ట పోయినప్పటికీ లాంగ్ టర్మ్‌లో భారత్‌కు సమస్య లేదని నిపుణులు అభిప్రాయ పడుతున్నట్లుగా తెలుస్తోంది. అవుట్ సోర్సింగ్ పైనా ప్రస్తుతం ప్రభావం చూపిస్తుందని అయితే ఆ తర్వాత మాత్రం నిలదొక్కుకుంటుందని నిపుణులు అభిప్రాయపడుతున్నారు. మన స్టాక్ మార్కెట్ పరిస్థితి సైతం అలాగే ఉంటుందని అభిప్రాయపడుతున్నారు. అమెరికా వాల్ స్ట్రీట్ సైతం భారీగా నష్టాల్లో కూరుకు పోయినట్టుగా తెలుస్తోంది.

English summary

America debit bill effects Indian Markets. Indian stock exchange starts with big loss.