క్రాప్ హాలీడే ఉద్యమ గ్రామంలో వైయస్ జగన్

By Srinivas

Published: Tuesday, August 9, 2011, 11:36 [IST]

రాజమండ్రి: పంట విరామాన్ని ఉద్యమంగా నిర్వహించి కేంద్ర బిందువు అయిన తూర్పు గోదావరి జిల్లా అల్లవరం మండలం బెండమూరిలంక గ్రామాన్ని వైయస్సాఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి మంగళవారం సందర్శించారు. అక్కడి రైతులను కలిసి వారిని పరామర్శించారు. ఈ సందర్భంగా ఆయన మాట్లాడార. వ్యవసాయం బాగుండాలంటే ప్రభుత్వం వెంటనే రైతులకు వడ్డీ లేని రుణాలు అందించాలని డిమాండ్ చేశారు. ఉపాధి హామీ పథకాన్ని వ్యవసాయానికి అనుసంధానం చేయాలని అన్నారు.

రైతులకు తన పూర్తి ఉంటుందని చెప్పారు. కోనసీమలో నీటి పంపిణీ వ్యవస్థను ఆధునీకరించాలని డిమాండ్ చేశారు. రైతుల నుండి ప్రభుత్వం నేరుగా ధాన్యాన్ని కొనుగోలు చేయాలన్నారు. 25 లక్షల మంది కౌలు రైతులు ఉంటే అందులో కేవలం 5 లక్షల మందికి మాత్రమే అర్హత కార్డులు ఇచ్చి అందులో కేవలం యాభై వేల మందికి మాత్రమే రుణాలు ఇవ్వడం ఏ మేరకు సబబని ఆయన ప్రశ్నించారు.

Published On August 9, 2011