ఆమరణ దీక్షకు విద్యార్థుల యత్నం, గుంటూరు ఉద్రిక్తత

గుంటూరు: రాష్ట్రపతి ఉత్తర్వులోని 14ఎఫ్ పేరాను తొలగించడంపై సీమాంధ్ర రగిలిపోతోంది. విశాఖపట్నం, గుంటూరుల్లో ఆందోళనలు పెల్లుబుకుతున్నాయి. గుంటూరు శుక్రవారం సాయంత్రం ఉద్రిక్తంగా మారింది. 14ఎఫ్ తొలగింపును వ్యతిరేకిస్తూ పొట్టి శ్రీరాములు విగ్రహం వద్ద సమైక్యాంధ్ర జెఎసి విద్యార్థులు ఆమరణ దీక్ష చేయడానికి పూనుకున్నారు. దీంతో అక్కడ పెద్ద యెత్తున పోలీసులు మోహరించారు.

ర్యాలీగా పొట్టి శ్రీరాములు విగ్రహం వద్దకు చేరుకోవడానికి విద్యార్థులు ప్రయత్నించారు. అప్పటికే కొంత మంది విద్యార్థులను పోలీసులు చెదరగొట్టారు. మరింత మందిని పోలీసులు అడ్డుకున్నారు. గుంటూరులో సెక్షన్ 30 అమలులో ఉందని, ధర్నాలకూ ర్యాలీలకూ దీక్షలకూ అనుమతి లేదని పోలీసులు స్పష్టం చేస్తున్నారు.

English summary

Seemandhra JAC students tried to takeup fast at Potti Sriramulu statue protesting against 14F deletion from Presidential order.