చమన్‌ను కలిసిన టిడిపి నేత వల్లభనేని వంశీ

హైదరాబాద్: హత్యకు గురైన తెలగుదేశం శాసనసభ్యుడు పరిటాల రవి ప్రధాన అనుచరుడు చమన్‌ను తెలుగుదేశం పార్టీ విజయవాడ నాయకుడు వల్లభనేని వంశీ మంగళవారం కలిశారు. హైదరాబాదులోని చర్లపల్లి జైలులో వంశీ చమన్‌ను కలిశారు. వల్లభనేని వంశీ కూడా పరిటాల రవికి సన్నిహితుడనే విషయం తెలిసిందే. చమన్ ఆరోగ్యంగా, సంతోషంగా ఉన్నాడని భేటీ అనంతరం వంశీ మీడియా ప్రతినిధులతో చెప్పారు.

జైలు నుంచి వచ్చిన తర్వాత చమన్ సాధారణ జీవితం గడుపుతాడని ఆయన చెప్పారు. ప్రత్యర్థుల నుంచి ముప్పు ఉండడం వల్లనే చమన్ ఇంతకు ముందు అజ్ఞాతంలోకి వెళ్లాడని ఆయన అన్నారు. చమన్‌కు బెయిల్ రావడానికి సమయం పడుతుందని ఆయన అభిప్రాయపడ్డారు. పరిటాల రవి హత్య తర్వాత అజ్ఞాతంలోకి వెళ్లిన చమన్ ఇటీవల పోలీసుల ముందు లొంగిపోయిన విషయం తెలిసిందే. చమన్‌పై పలు కేసులు పెండింగులో ఉన్నాయి.

English summary

Telugudesam leader Vallabhaneni Vamsi met Paritala Ravi's aide Chaman at Charla pally jail in Hyderabad.