అందరికీ తెలుసు: సిబిఐ దాడులపై వైయస్ విజయమ్మ

By Pratap

Published: Thursday, August 18, 2011, 10:51 [IST]

హైదరాబాద్: సిబిఐ దాడులు ఎందుకు జరుగుతున్నాయో అందరికీ తెలుసునని వైయస్సార్ కాంగ్రెసు పార్టీ అధ్యక్షుడు వైయస్ జగన్ తల్లి, పులివెందుల శానససభ్యురాలు వైయస్ విజయమ్మ అన్నారు. ఆమె కడప జిల్లా పులివెందుల నుంచి గురువారం ఉదయం హైదరాబాదులోని లోటస్‌పాండులో గల నివాసానికి చేరుకున్నారు. ఈ సమయంలో మీడియా ప్రతినిధులు చుట్టుముట్టారు. ఈ సమయంలో ఆమె ఆ వ్యాఖ్య చేశారు. రాజకీయ కక్ష సాధింపు చర్యల్లో భాగంగానే ఈ దాడులు జరుగుతున్నాయని, ఈ విషయం అందరికీ తెలుసునని ఆమె అన్నారు. అంతకు మించి మాట్లాడడానికి ఆమె నిరాకరించారు.

గురువారం ఉదయం నుంచే ఎమ్మార్, జగన్ ఆస్తుల కేసుల్లో సిబిఐ పెద్ద యెత్తున సిబిఐ సోదాలు జరుపుతున్న విషయం తెలిసిందే. సోదాలు జరుగుతున్న సమయంలో ఇంటిలో జగన్ సతీమణి భారతి, వైయస్సార్ అల్లుడు అనిల్ కుమార్, కొంత మంది బంధువులు ఉన్నారు. ఇంటిలో ప్రతి అడుగూ సిబిఐ అధికారులు శోధిస్తున్నారు. అరవైకి పైగా గదులు ఇంటిలో ఉన్నట్లు తెలుస్తోంది. ఈ గదులన్నింటిలో సిబిఐ అధికారులు సోదాలు చేస్తున్నారు.

Published On August 18, 2011