జగన్ పిటిషన్‌ను విచారణకు స్వీకరించిన సుప్రీంకోర్టు

న్యూఢిల్లీ: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి పిటిషన్‌ను సుప్రీంకోర్టు విచారణకు స్వీకరించింది. హైకోర్టు ఆదేశాల మేరకు జరుగుతున్న సిబిఐ విచారణను నిలుపుదల చేయాలని కోరుతూ వైయస్ జగన్ సుప్రీంకోర్టులో స్పెషల్ లీవ్ పిటిషన్ దాఖలు చేసిన విషయం తెలిసిందే. ఈ పిటిషన్‌పై సుప్రీంకోర్టులో ఈ నెల 24వ తేదీ మధ్యాహ్నం 2 గంటలకు విచారణ జరుగుతుంది.

సహజ న్యాయసూత్రాలను పాటించాలన్న తన వాదనను హైకోర్టు పట్టించుకోకపోవడాన్ని జగన్ తన పిటిషన్‌లో ప్రశ్నించారు. శానససభ్యుడు పి. శంకరరావు రాజకీయ దురుద్దేశాలతోనే పిటిషన్ దాఖలు చేసిన విషయాన్ని హైకోర్టు దృష్టికి తీసుకుని వెళ్లినట్లు తెలిపారు. తనపై పిటిషన్ దాఖలు చేసిన తర్వాత శంకరరావుకు మంత్రి పదవి లభించిన విషయాన్ని కూడా హైకోర్టుకు తెలిపినట్లు ఆయన తన పిటిషన్‌లో గుర్తు చేశారు.

English summary

Supreme Court to hear YSR Congress party president YS Jagan's petition on august 24.