చిరంజీవి రాక వాపు మాత్రమే: వైయస్సార్సీ నేత రోజా

By Srinivas

Published: Tuesday, August 23, 2011, 11:53 [IST]

హైదరాబాద్: చిరంజీవి రాక వల్ల కాంగ్రెసు పార్టీ మరింత బలపడిందని ఆ పార్టీ నేతలు భావిస్తున్నారని అయితే అది బలం కాదు కేవలం వాపేనని త్వరలో తెలుస్తుందని వైయస్సార్సీ పార్టీ నేత రోజా మంగళవారం ఓ టీవీ ఛానల్‌లో అన్నారు. తెలుగుదేశం పార్టీ అధినేత నారా చంద్రబాబు నాయుడు అవినీతి గురించి మాట్లాడటం హాస్యాస్పదం అన్నారు. రెండు ఎకరాల నుండి వేల ఎకరాలకు ఎదిగిన చంద్రబాబు అన్నాహజారే అవినీతి ఉద్యమానికి మద్దతు ప్రకటించడం శోచనీయం అన్నారు.

ఎఫ్ఐఆర్‌లో దివంగత ముఖ్యమంత్రి వైయస్ రాజశేఖర రెడ్డి పేరు చేర్చడం అత్యంత అవమానకరం అన్నారు. వైయస్‌ను అభిమానించే వారు ఆయనను అవమానించిన తర్వాతనైనా బయటకు రావాలన్నారు. వారు ఇప్పుడు కాకపోయినా ఎప్పటికైనా బయటకు రావాల్సిన వారే అన్నారు. ప్రభుత్వాన్ని కూల్చే ఉద్దేశ్యం తమకు లేదన్నారు. వైయస్ వల్లే రాష్ట్రంలో, కేంద్రంలో కాంగ్రెసు అధికారంలోకి వచ్చిందన్నారు. అలాంటి కాంగ్రెసు ఇప్పుడు జగన్‌పై కక్ష సాధింపు చర్యలకు పాల్పడుతోందన్నారు.

Published On August 23, 2011