బాబాయ్ వివేకానందను పలకరించిన వైయస్ జగన్

By Pratap

Published: Friday, September 2, 2011, 16:36 [IST]

కడప: కడప జిల్లా ఇడుపులపాయలోని వైఎస్‌ సమాధి వద్దకు పాదయాత్రగా వెళ్తున్న బాబాయ్, మాజీ మంత్రి వైఎస్‌ వివేకానందరెడ్డిని కడప పార్లమెంటు సభ్యుడు వైఎస్‌ జగన్మోహనరెడ్డి శుక్రవారం పలకరించారు. వేముల మండలంలోని దుర్గన్నగారిపల్లె వద్ద వీరిద్దరూ కలుసుకున్నారు. ఇడుపులపాయలో వైఎస్‌ రాజశేఖరరెడ్డి ద్వితీయ వర్థంతి సందర్భంగా ప్రత్యేకప్రార్థనలు చేసి కుటుంబసభ్యులతో కలసి జగన్‌ బెంగళూరు బయలుదేరారు. మార్గమధ్యలో వివేకా బృందం పాదయాత్రను చూసి వాహనాన్ని ఆపిన జగన్‌ బాబాయ్‌ వద్దకు వెళ్లి కాసేపు మాట్లాడారు.

వైయస్ రాజశేఖరరెడ్డి వర్థంతి సందర్భంగా వైయస్ వివేకానందరెడ్డి పాదయాత్ర చేపట్టారు. కడప జిల్లాలోని చిన్న రంగాపురం వద్ద వైయస్ రాజశేఖర రెడ్డి విగ్రహాన్ని ఆవిష్కరించి పాదయాత్ర చేపట్టారు. ఇక్కడినుంచి ఇడుపులపాయ వరకు కాంగ్రెస్‌ కార్యకర్తలు, అభిమానులు వెంటరాగా పాదయాత్రను తలపెట్టారు. సాయంత్రం అక్కడి వైఎస్సార్‌ సమాధివద్ద నివాళులు అర్పిస్తారు.

Published On September 2, 2011