జగన్ కేసు: జగతి వైస్ చైర్మన్ విజయసాయిరెడ్డి విచారణ

By Srinivas

Published: Saturday, September 3, 2011, 15:09 [IST]

హైదరాబాద్: వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డికి సంబంధించిన ఆస్తుల కేసు విషయంలో జగతి పబ్లికేషన్స్ వైస్ చైర్మన్ విజయ సాయిరెడ్డి శనివారం సిబిఐ అధికారుల ముందు జారీ అయ్యారు. జగన్ ఆస్తుల విషయంలో సిబిఐ అధికారులు ఆయనను విచారించారు. సాక్షి సంస్థ ప్రతినిధులు శుక్రవారం సైతం సిబిఐ అధికారుల ముందు హాజరయ్యారు. శనివారం ఉదయం ఓరియంటల్ బ్యాంక్ ఆఫ్ కామర్స్ అధికారులు సైతం సిబిఐ అధికారులను కలిశారు. అలాగే ఐడిబిఐ బ్యాంకు అధికారులు కలిశారు.

జగన్ కంపెనీలలో పెట్టుబడులు పెట్టిన కంపెనీల వివరాలను బ్యాంకు అధికారులు సిబిఐ అధికారులకు అందించారు. జగన్, ఎమ్మార్ కేసులో సిబిఐ దర్యాఫ్తు ముమ్మరంగా సాగుతోంది. ఇప్పటి వరకు చేసిన సోదాల్లో సేకరించిన సమాచారాన్ని సిబిఐ అధికారులు విశ్లేషిస్తున్నారు. కాగా ఎన్‌ఫోర్సుమెంట్ డైరెక్టరేట్ అధికారులు సైతం శుక్రవారం జగన్ ఆస్తులకు సంబంధించి రిజిస్టర్ ఆఫ్ కంపెనీ, సబ్ రిజిస్టర్ కార్యాలయాలు, బ్యాంకులు, ఐటి శాఖల నుంచి వివరాలు సేకరిస్తోంది.

Published On September 3, 2011