విలీనం ద్వారా అవినీతికి చిరంజీవి లైసెన్స్: యనమల

విజయనగరం/ హైదరాబాద్‌: తన ప్రజారాజ్యం పార్టీని కాంగ్రెసు పార్టీలో విలీనం చేయడం ద్వారా చిరంజీవి అవినీతికి లైసెన్స్ పుచ్చుకున్నారని తెలుగుదేశం సీనియర్ నాయకుడు యనమల రామకృష్ణుడు వ్యాఖ్యానించారు. కాంగ్రెస్‌, వైయస్సార్ కాంగ్రెస్‌ ఈ రెండు పార్టీలు పూర్తిగా అవినీతి కూపంలో కూరుకుపోయాయని ఆయన అన్నారు. విజయనగరం జిల్లా గజపతినగరంలో జరిగిన నియోజకవర్గం పార్టీ విస్తృతస్థాయి సమావేశంలో ఆయన మాట్లాడారు.కాంగ్రెసు, వైయస్సా్ర కాంగ్రెసు పార్టీలతో కలిసి వెళ్లేవారు మునిగిపోక తప్పదన్నారు. స్థానిక ఎన్నికలకు ప్రభుత్వం భయపడుతోందని, ఎన్నికలు ఎప్పుడు వచ్చినా ఎదుర్కొనేలా కార్యకర్తలంతా కలిసికట్టుగా పనిచేయాలని పిలుపునిచ్చారు. మరో పొలిట్‌బ్యూరో సభ్యుడు అశోకగజపతిరాజు మాట్లాడుతూ గల్లి నుంచి ఢిల్లీ వరకు అవినీతిలో మునుగుతున్నారని, అవినీతిపరులను నిలువరించకపోతే మానవ మనుగడ కష్టమన్నారు.

ముఖ్యమంత్రి కిరణ్‌కుమార్‌డ్డి 15 లక్షల ఉద్యోగాలిస్తామంటూ చేసిన ప్రకటనలపై తెలుగుదేశం పార్టీవిమర్శలు గుప్పించింది. తెదేపా నేతలు రాజేంద్రప్రసాద్‌, అరికెల నర్సారెడ్డి, శోభారాణి శనివారం హైదరాబాదులో మీడియాతో మాట్లాడారు. ముఖ్యమంత్రిగా గుర్తింపు కోసం కిరణ్‌కుమార్‌రెడ్డి పడుతున్న తాపత్రయంలో భాగమే ఈ 15 లక్షల ఉద్యోగాల ప్రకటన అని ఎద్దేవా చేశారు. ముఖ్యమంత్రి 15 లక్షల ఉద్యోగాల ప్రకటనను ఈ మిలీనియం జోక్‌గా నేతలు అభివర్ణించారు. అయాచితంగా ఆయనకు ముఖ్యమంత్రి పదవి వచ్చినట్లు రాష్ట్రంలో యువతకు ఉద్యోగాలు వస్తాయని ముఖ్యమంత్రి భావిస్తున్నారా అని వారు ప్రశ్నించారు. ఏయే రంగాల్లో ఏయే శాఖల్లో ఎన్నెన్ని ఉద్యోగాలు కల్పిస్తారో స్పష్టంగా తెలియజేస్తూ శ్వేతపత్రం విడుదల చేయాలని డిమాండ్‌ చేశారు.

English summary

TDP senior leader Yanamala Ramkrishnudu lashed out at Chiranjeevi for merging his Prajarajyam in Congress.