కడప వార్తల కోసం
నోటిఫికేషన్స్ పై క్లిక్ చేయండి  
Oneindia App Download

తెలంగాణ వచ్చేది లేదు, పోయేది లేదు: టిజి వెంకటేష్

By Pratap
|
Google Oneindia TeluguNews

TG Venkatesh
కడప/ ఏలూరు: తెలంగాణకు వ్యతిరేకంగా సీమాంధ్ర నాయకులు మళ్లీ గొంతు పెంచారు. ప్రత్యేక తెలంగాణ వచ్చేది లేదు.. అయ్యేది లేదని, దాని గురించి మరిచిపోవాలని, రాయలసీమ అభివృద్ధి, హక్కులకోసం సీమరక్తం ఉన్న ప్రతి ఒక్కరూ పోరాడుదామని, స్వర్ణసీమగా మార్చుకుందామని చిన్ననీటి పారుదల శాఖ మంత్రి టి.జి.వెంకటేష్‌ పిలుపునిచ్చారు. రాయలసీమ హక్కుల ఐక్యవేదిక ప్రతినిధుల సభ ఆదివారం సాయంత్రం కడప నగరంలోని జిల్లా పరిషత్‌ సమావేశ మందిరంలో జరిగింది. '14(ఎఫ్‌)ను ఎప్పుడైతే ఒప్పుకున్నారో అప్పడే సగం తెలంగాణ వాళ్లకు హైదరాబాదులో ఉద్యోగాలు రాని పరిస్థితి. ఇన్నాళ్లూ అక్కడి తెలంగాణ పాలకులు హైదరాబాదును చూపించి అందరికీ అవకాశాలు కల్పిస్తామని చెబుతూ వచ్చారు. ప్రస్తుతం తెలంగాణలో నాయకులను నిలదీసే రోజులు వచ్చాయి. వాళ్ల నెత్తిమీద వాళ్లే బండ వేసుకున్నారు' అని ఆయన అన్నారు. వెనకబాటు కోసమే రాష్ట్రాలు విడగొట్టేట్లయితే ముందు రాయలసీమను విడగొట్టాలన్నారు.

ప్రత్యేక తెలంగాణ ఇస్తామని కేంద్రప్రభుత్వం, సొనియాగాంధీ ఏనాడు చెప్పలేదని, ఏ ఒక్కరికి మాట ఇవ్వలేదని కాంగ్రెసు ఏలూరు ఎంపీ కావూరి సాంబశివరావు స్పష్టం చేశారు. పశ్చిమగోదావరి జిల్లా చింతలపూడిలో ఆదివారం ఆయన మీడియా ప్రతినిధులతో మాట్లాడారు. రాష్ట్రాన్ని విభజించడం జరిగితే ఇదే ప్రాతిపదికన అన్ని రాష్ట్రాల్లో విభజన జరగాల్సి ఉంటుందన్నారు. హైదరాబాద్‌లో తెలంగాణ, సీమాంధ్ర ప్రజలు స్థిరపడ్డారని చెప్పారు. రెండు ప్రాంతాల ప్రజలతో ఏర్పడిన అవినాభావ సంబంధమని, దీనిని ముక్కలు చేసి తెంచేయడం కుదరదని స్పష్టం చేశారు. ఎవరైనా ఈ రాష్ట్రానికి వచ్చి స్ధిరపడాలన్నా, ఏదైనా పరిశ్రమ స్థాపించాలన్నా ముందుగా హైదరాబాద్‌నే ఎంచుకుంటున్నారని చెప్పారు. ఇందుకు కారణం ఆంధ్ర, తెలంగాణ వారు అన్నదమ్ముల్లా మెలుగుతూ హైదరాబాద్‌ను తలమానికంగా తీర్చిదిద్దడమేనని పేర్కొన్నారు. కొద్ది మంది మంత్రులు, ఎమ్మెల్యేలు రాజీనామా చేసినంత మాత్రన రాష్ట్రం విడిపోదన్నారు. ప్రత్యేక వాదం వూపందుకున్నాక గత రెండు సంవత్సరాలుగా రాష్ట్రాభివృద్ధి కుంటుపడిందన్న విషయాన్ని ప్రతి ఒక్కరు గమనించాలని ఆయన చెప్పారు.

English summary
Minister TG Venkatesh predicted that Telangana formation is not possible.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X