పద్మనాభ స్వామి ఆరో గది తెరవడం వైపే మొగ్గు

న్యూఢిల్లీ: వివాదాస్పదమైన అనంత పద్మనాభ స్వామి ఆరో గదిని తెరవాలని సుప్రీంకోర్టు నియమించిన నిపుణుల కమిటీ అభిప్రాయపడినట్లు సమాచారం. కేరళలోని తిరువనంతపురంలో గల అనంత పద్మనాభ స్వామి నేలమాళిగల్లో లక్ష కోట్ల రూపాయలకు పైగా విలువ చేసే అపారమైన సంపద బయటపడిన విషయం తెలిసిందే. బి నేలమాళిగను తెరవడంపై వివాదం చోటు చేసుకుంది. ఆరో గదిని తెరవకూడదంటూ ట్రావంకోర్ రాచకుటుంబం సుప్రీంకోర్టను ఆశ్రయించింది. దీంతో దానిపై సూచనలు చేయడానికి సుప్రీంకోర్టు ఓ కమిటీని వేసింది.

కమిటీ గురువారం సుప్రీంకోర్టుకు తన మధ్యంతర నివేదికను సమర్పించింది. ఆరో నేలమాళిగను భద్రత కోసం, సంపద లెక్కింపునకు తెరవాల్సిన అవసరం ఉందని నిపుణుల కమిటీ సిఫార్సు చేసినట్లు తెలుస్తోంది. దీనిపై సుప్రీంకోర్టు రేపు శుక్రవారం తన నిర్ణయాన్ని వెల్లడించే అవకాశం ఉంది. రాచకుటుంబం నిర్వహించిన దేవప్రశ్నం కార్యక్రమాన్ని నిపుణుల కమిటీ పట్టించుకోలేదనిపిస్తోంది. ఆరో గదిని తెరిస్తే విపత్కర పరిణామాలు చోటు చేసుకుంటాయని దేవప్రశ్నంలో హెచ్చరించారు.

English summary

With the Padmanabha Swamy temple in Kerala stealing the limelight over the estimated Rs 1 lakh crore worth assets emerging from the underground secret cellars, the panel set up by the Supreme Court for the valuation of the assets have recommended that the controversial 'B' vault be opened.