ఫోన్ ట్యాపింగ్‌పై గవర్నర్‌కు టిఆర్ఎస్ ఫిర్యాదు

హైదరాబాద్: ప్రభుత్వం తమ ఫోన్లు ట్యాపింగ్ చేస్తోందని తెలంగాణ రాష్ట్ర సమితి నేతలు శుక్రవారం గవర్నర్ నరసింహన్‌ను కలిసి ఫిర్యాదు చేశారు. ప్రభుత్వం చేస్తోన్న ఫోన్ల ట్యాపింగ్ అడ్డుకోవాలని ఆయనకు విజ్ఞప్తి చేశారు. గవర్నర్‌ను కలిసిన అనంతరం టిఆర్ఎస్ నేత కొప్పుల ఈశ్వర్ తదితరులు మీడియాతో మాట్లాడారు. ప్రభుత్వం కావాలనే తమ ఫోన్లు ట్యాపింగ్ చేస్తోందని ఆరోపించారు. తెలంగాణ ఉద్యమం తీవ్రరూపం దాల్చిన నేపథ్యంలో ఉద్యమాన్ని అణగదొక్కేందుకు ట్యాప్ చేస్తున్నారని ఆరోపించారు. గవర్నర్ చర్యలు తీసుకోకుంటే మానవ హక్కుల కమిషన్‌కు వెళతామన్నారు. అవసరమైతే సిబిఐ విచారణ కోరడానికి వెనుకాడమన్నారు. పోన్ ట్యాపింగుపై హైకోర్టులో రిట్ పిటిషన్ వేస్తామన్నారు.

కాగా సుమారు తెలంగాణవ్యాప్తంగా తెలంగాణ రాష్ట్ర సమితి ముఖ్య నేతలు, కార్యకర్తలు, విద్యార్థి నేతలు తదితరుల పదివేల మంది ఫోన్లు ట్యాప్ అవుతున్నట్టుగా వార్తలు వచ్చాయి. కాగా సకల జనుల సమ్మెలో భాగంగా హైదరాబాదులో ఆందోళన చేస్తున్న తెలంగాణ లెక్చరర్లను పోలీసులు అరెస్టు చేశారు. రంగారెడ్డి జిల్లాలో సమ్మెకు మద్దతు తెలపడానికి వచ్చిన తెలుగుదేశం పార్టీ నేతలను ఆందోళనకారులు అడ్డుకున్నారు. నిజామాబాద్ జిల్లాలోనూ తెలుగుదేశం పార్టీ ఎంపీ రమేష్ రాథోడ్ ఫ్లెక్సీని తెలంగాణవాదులు చించి వేశారు.

English summary

Telangana Rastra Samithi leaders complained about trs leaders and students phone tapping to governor Narasimhan.