సోనియా గాంధీకి మంత్రి శంకరరావు లేఖ
కొంత మంది అవినీతిపరులకు వ్యతిరేకంగా తాను పోరాటం చేస్తున్నందు వల్లనే తనను అక్రమ కేసుల్లో ఇరికించడానికి ప్రయత్నిస్తున్నారని ఆయన ఆరోపించారు. గ్రీన్ఫీల్డ్స్ భూముల వ్యవహారంలో తాను అక్రమాలకు పాల్పడినట్లు అవాస్తవ కథనాలు ప్రసారం చేస్తున్నారని ఆయన విమర్శించారు. తాను ఏనాడూ అవినీతికి పాల్పడలేదని ఆయన స్పష్టం చేశారు. తనపై వచ్చిన ఆరోపణలపై ఏ విధమైన విచారణకైనా తాను సిద్ధమని ఆయన అన్నారు. వ్యాట్ పెంచుతూ ప్రభుత్వం తీసుకున్న నిర్ణయాన్ని ఆయన వ్యతిరేకించారు.
కాగా, తనకు భద్రతను తగ్గించారంటూ శంకరరావు చేసిన ఆరోపణలను డిజిపి దినేష్ రెడ్డి ఖండించారు. శంకరరావుకు భద్రత పెంచామని ఆయన చెప్పారు. గత జులై నుంచి శంకరరావుకు కల్పించిన భద్రతను బలోపేతం చేసినట్లు ఆయన ఓ ప్రకటనలో తెలిపారు. గత జులై నుంచి శంకరరావుకు భద్రతను పెంచినట్లు ఆయన తెలిపారు. శంకరరావు భద్రత కోసం 32 మందిని వినియోగిస్తున్నట్లు ఆయన తెలిపారు.
Click it and Unblock the Notifications
Sign in with Google