సిక్కిం భూకంపం: 40 మంది మృతి, రెస్య్యూకు ఆటంకం

న్యూఢిల్లీ: ఆదివారం సాయంత్రం తాకిన భూకంపానికి మరణించినవారి సంఖ్య 40కి పెరిగింది. సిక్కింలో 19 మంది, పశ్చిమ బెంగాల్‌లో ఐదుగురు, బీహార్‌లో ఇద్దరు, నేపాల్, టిబెట్లలో ఏడుగురేసి మరణించారు. భూకంపం తాకిడి ప్రాంతాల్లో సహాయక చర్యలు ఆగిపోయాయి. వంద మందికిపైగా గాయపడ్డారు. రిక్టర్ స్కేలుపై 6.8గా నమోదైన భూకంపానికి సిక్కిం, తదితర ప్రాంతాల్లో తీవ్ర నష్టం వాటిల్లింది. భవనాలు కూలిపోయాయి, రోడ్లు ధ్వంసమయ్యాయి.

ఉత్తర జిల్లాలో, తీస్తా నది తీరంలో ఉన్న రాంగ్‌పో, దిక్చు, సింగ్టమ్, చుంగతాంగ్ వంటి పట్టణాలు, గ్రామాల్లో తీవ్ర నష్టం వాటిల్లింది. గ్యాంగ్‌టక్‌లో విద్యుచ్ఛక్తిని పునరుద్ధరించారు. ప్రకంపనలు చోటు చేసుకుంటాయనే భయంతో ప్రజలు రాత్రంతా ఇళ్ల వెలుపలే గడిపారు. నగరంలో 20 సార్లు భూమి ప్రకంపించింది. దీంతో ప్రజలు తీవ్ర భయాందోళనలకు గురయ్యారు. సిక్కింలో వర్షం వల్ల, కొండచరియలు విరిగి పడుతుండడం వల్ల సహాయ, పునరావాస కార్యక్రమాలకు ఆటంకం కలుగుతోంది.

English summary

The death toll in the powerful Sunday earthquake has increased to 40 with 19 people being killed in Sikkim, five in West Bengal, two in Bihar, seven each in Nepal and Tibet even as rescue and relief operations were stepped up in the affected areas.