రేణుక చౌదరిపై అధిష్టానానికి యాష్కీ ఫిర్యాదు

By Srinivas

Published: Thursday, September 22, 2011, 17:23 [IST]

న్యూఢిల్లీ: ఏఐసిసి అధికార ప్రతినిధి రేణుకా చౌదరిపై నిజామాబాద్ పార్లమెంటు సభ్యుడు మధుయాష్కీ గురువారం పార్టీ అధిష్టానానికి ఫిర్యాదు చేశారు. పార్టీ సీనియర్ నేత జనార్ధన్ ద్వివేదికి రేణుకా చౌదరిపై ఫిర్యాదు చేశారు. ఏఐసిసి అధికార ప్రతినిధి అభిషేక్ సింఘ్వీ పైనా ఆయన ఫిర్యాదు చేశారు. ఆయన వ్యాఖ్యలు సరి కావన్నారు. తెలంగాణలోని పరిస్థితిలపై ఆయన పార్టీ అధిష్టానానికి నివేదిక అందజేశారు. తెలంగాణలో జరుగుతున్న సకల జనుల సమ్మెపై ఆమె తప్పుడు వ్యాఖ్యలు చేశారన్నారు. ఆమె వ్యాఖ్యల వల్లే తెలంగాణలో పరిస్థితి మరింత విషమంగా మారిందన్నారు.

రేణుకా చౌదరి వ్యాఖ్యలను అదుపు చేసేందుకు చర్యలు తీసుకోవాలన్నారు. రేణుక తెలంగాణ ప్రజలను రెచ్చగొట్టే విధంగా వ్యాఖ్యానిస్తున్నారన్నారు. కాంగ్రెసు పార్టీ స్టీరింగ్ కమిటీకి స్టీరింగ్ లేకుండా పని చేస్తోందన్నారు. తెలంగాణలోని ప్రస్తుత పరిస్థితులను అధిష్టానానికి తెలియజేయడానికి స్టీరింగ్ కమిటీ ఢిల్లీ రావాలన్నారు. తెలంగాణపై కేంద్రం వెంటనే నిర్ణయం తీసుకోవాలని సూచించారు. తెలంగాణ అంశాన్ని ఒక్క రోజు కూడా ఆలస్యం చేయవదన్నారు.

Published On September 22, 2011