ఐఐటి కాన్పూర్ బిటెక్ విద్యార్థి ఆత్మహత్య

కాన్పూర్: ఐఐటి కాన్పూర్ బిటెక్ ప్రథమ సంవత్సరం విద్యార్థి తన హాస్టల్ గదిలో గురువారం ఆత్మహత్య చేసుకున్నాడు. గత ఐదేళ్లలో ఇటువంటి సంఘటనల్లో ఇది ఐదోది. ఓ సూసైడ్ నోట్ రాసి పెట్టాడు. తన తరగతి విద్యార్థులను ముగ్గురిని సంబోధిస్తూ అతను ఆ నోట్ రాశాడు. తాను ఐఐటి చదువుతో విసిగిపోయినట్లు అతను ఆ నోట్‌లో రాశాడు. ఆత్మహత్య చేసుకున్న 19 ఏళ్ల విద్యార్థి మెహ్తబ్ అహ్మద్ ఉత్తరప్రదేశ్‌లోని కన్నౌజుకు చెందినవాడు

అహ్మద్ తన గదిలో ఉరేసుకుని చనిపోయి ఉండడాన్ని అతని మిత్రులు చూశారు. వారు తమ అధికారులకు సమాచారం అందించడంతో హాస్టల్ వార్డెన్ అక్కడికి చేరుకున్నారు. విద్యార్థి మరణించడాన్ని ఆతను గమనించాడు. అహ్మద్ మెటీరియల్ సైన్స్ ఇంజనీరింగ్ విద్యార్థి. ఆ సంఘటనపై విచారణకు నలుగురు సభ్యులతో ఓ కమిటీని వేశారు. వారంలోగా నివేదిక సమర్పించాలని ఆదేశించినట్లు ఐఐటి - కాన్పూర్ డైరెక్టర్ సంజయ్ ధాండే చెప్పారు. విద్యార్థి కుటుంబ సభ్యులకు సమాచారం అందించినట్లు ఐఐటి - కె రిజిస్ట్రార్ సంజీవి కసాల్కర్ చెప్పారు.

English summary

A first year B Tech student of IIT-Kanpur on Thursday allegedly committed suicide in his hostel room, the ninth such case in five years, police said. He left a note addressed to three of his classmates saying he was tired of IIT.