జగన్‌పై మనీలాండరింగ్ నిరోధక చట్టం కింద కేసు

హైదరాబాద్: వైయస్సార్ కాంగ్రెసు పార్టీ అధ్యక్షుడు వైయస్ జగన్, తదితరులపై మనీ లాండరింగ్ నిరోధక చట్టం కింద కేసు నమోదు చేసేందుకు ఎన్‌ఫోర్స్‌మెంట్ డైరెక్టరేట్ (ఈడి) ఏర్పాట్లు చేసినట్లు తెలుస్తోంది. ఈ విషయాన్ని డిప్యూటీ డైరెక్టర్ ఎన్ శ్రీధర్ తన బృందంతో ప్రభుత్వ ప్రధాన కార్యదర్శఇ ఎస్వీ ప్రసాద్‌ను కలిసినప్పుడు చెప్పినట్లు ఓ ఆంగ్ల దినపత్రికలో వార్తాకథనం ప్రచురితమైంది. జగన్ నెలకొల్పిన సంస్థలకు ఇచ్చిన మైనింగ్ లీజులకు సంబంధించిన 22 ముఖ్యమైన ఫైళ్లను ఈడి బృందం సోమవారం సచివాలయం నుంచి స్వాధీనం చేసుకున్నట్లు తెలుస్తోంది. జగన్‌పై వారం, రెండు వారాల్లో మనీలాండరింగ్ నిరోధక చట్టం కింద కేసులు నమోదు చేసే అవకాశాలున్నట్లు ఆంగ్ల దినపత్రిక రాసింది.

వాన్‌పిక్ ప్రైవేట్ లిమిటెడ్‌, పెన్నా తాండూరు సిమెంట్ కంపెనీలకు చెందిన ఫైళ్లు ఈడి స్వాధీనం చేసుకున్నవాటిలో ఉన్నట్లు సమాచారం. విశాఖపట్నం జిల్లాలో బాక్సైట్ లీజులకు సంబంధించిన ఫైలు కూడా అందులో ఉన్నట్లు తెలుస్తోంది. సరస్వతి పవర్ అండ్ ఇండస్ట్రీస్ ప్రైవేట్ లిమిటెడ్ ఫైలు కూడా వాటిలో ఉందని అంటున్నారు. రఘురాం సిమెంట్స్, దాల్మియా సిమెంట్స్, ఈశ్వర్ సిమెంట్స్, భారతి సిమెంట్ కార్పోరేషన్‌లకు సంబంధించిన ఫైళ్లను ఈడి స్వాధీనం చేసుకుంది. సరస్వతి పవర్ అండ్ ఇండస్ట్రీస్, రఘురామ్ సిమెంట్స్, ఈశ్వర్ సిమెంట్స్, భారతి సిమెంట్ కార్పొరేషన్ సంస్థలు నేరుగా జగన్ పేరు మీద ఉన్నాయి. ఈ లీజులన్నీ 2007 - 08 మధ్య కాలంలోనే మంజూరు చేశారు.

English summary

According to news reports - Enforcement Directorate officials on Monday took possession of important files relating to the mining leases granted to companies floated by Kadapa MP YS Jaganmohan Reddy from the state Secretariat.