ఐనా చిరంజీవికి మంచి పోస్టివ్వమన్నా: విహెచ్

న్యూఢిల్లీ: తిరుపతి శాసనసభ్యుడు చిరంజీవి తనను ఉత్తరాంధ్ర కాంగ్రెసు మహా గర్జనకు ఆహ్వానించక పోయినప్పటికీ ఆయనకు మంచి పదవి ఇవ్వాలని తాను అధిష్టానాన్ని కోరినట్లు కాంగ్రెసు సీనియర్ రాజ్యసభ సభ్యుడు వి హనుమంత రావు మంగళవారం అన్నారు. చిరంజీవికి ప్రదేశ్ కాంగ్రెసు ప్రచార కమిటీ చైర్మన్ బాధ్యతలు అప్పగించాలని తాను కేంద్ర మంత్రి, రాష్ట్ర వ్యవహారాల ఇంచార్జ్ గులాం నబీ ఆజాద్‌ను కోరినట్లు చెప్పారు. తెలంగాణ అంశం విషయంలో విజయవాడ పార్లమెంటు సభ్యుడు లగడపాటి రాజగోపాల్ దూకుడును తగ్గించాలని ఆజాద్‌కు ఫిర్యాదు చేసినట్లు చెప్పారు. తెలంగాణలోని వాస్తవ పరిస్థితిని సమీక్షించి కేంద్రం తక్షణమే ఓ నిర్ణయం తీసుకోవాలని ఆయన విజ్ఞప్తి చేశారు.

ముఖ్యమంత్రి కిరణ్ కుమార్ రెడ్డి సైతం తెలంగాణలోని వాస్తవ పరిస్థితిని అధిష్టానానికి నివేదించాలన్నారు. ముఖ్యమంత్రి, ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ బలహీన వర్గాలకు ద్రోహం చేస్తున్నారని విమర్శించారు. కేంద్ర మంత్రి కిషోర్ చంద్రదేవ్, అమలాపురం పార్లమెంటు సభ్యుడు హర్ష కుమార్‌లను ఉత్తరాంధ్ర కాంగ్రెసు గర్జనకు పిలవక పోవడమే అందుకు నిదర్శనమన్నారు.

English summary

Congress Party senior MP V Hanumantha Rao met state incharge Ghulam Nabi Azad today. He appealed high command to give important post to Chiranjeevi in Party.