తూలిపడబోయిన ముఖ్యమంత్రి కిరణ్ కుమార్ రెడ్డి

By Srinivas

Published: Sunday, October 2, 2011, 10:39 [IST]

హైదరాబాద్: ముఖ్యమంత్రి కిరణ్ కుమార్ రెడ్డి తూలి పడిపోబోగా అక్కడే ఉన్న సిబ్బంది అప్రమత్తమై వెంటనే ఆయనను పట్టుకున్నారు. ఆదివారం మహాత్మా గాంధీ జయంతి సందర్భంగా ముఖ్యమంత్రి కిరణ్ అసెంబ్లీ వద్ద ఉన్న ఆయన విగ్రహానికి పూల మాల వేసి నివాళులు అర్పించారు. అనంతరం ఆయన వెనక్కి తిరుగుతుండగా ఓ రాయి తగిలి తూలి కింద పడబోయారు. వెంటనే అప్రమత్తమైన సిబ్బంది ఆయనను పడిపోకుండా పట్టుకున్నారు. ఈ కార్యక్రమంలో మంత్రి ధర్మాన ప్రసాద్ రావు, చీఫ్ విపి కొండ్రు మురళి, శాసనమండలి చైర్మన్ చక్రపాణి తదతరులు పాల్గొన్నారు.

గాంధీ భవనంలో ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ, తిరుపతి శాసనసభ్యుడు చిరంజీవి, కెవిపి రామచంద్రా రావు, డిప్యూటీ సిఎం దామోదర రాజనర్సింహ తదితరులు పాల్గొన్నారు. తెలుగుదేశం పార్టీ అధినేత నారా చంద్రబాబు నాయుడు అసెంబ్లీ వద్ద గాంధీ విగ్రహానికి నివాళులు అర్పించారు.

Published On October 2, 2011