మాజీ పీఅర్పీ నేత పరకాల విశాలాంధ్ర భేటీ ఉద్రిక్తం

By Srinivas

Published: Tuesday, October 11, 2011, 17:52 [IST]

హైదరాబాద్: విశాలాంధ్ర సమితి సదస్సు పేరుతో హైదరాబాదులోని సోమాజీగూడ ప్రెస్ క్లబ్‌లో ఏర్పాటు చేసిన సదస్సు మంగళవారం ఉద్రిక్తతకు దారి తీసింది. మాజీ ప్రజారాజ్యం పార్టీ నేత పరకాల ప్రభాకర్ విశాలాంధ్ర పేరుతో ప్రెస్ మీట్ పెట్టారు. దీనిని తెలంగాణవాదులు, లాయర్లు అడ్డుకునే ప్రయత్నాలు చేశారు. హైదరాబాదులో సమైక్యాంధ్ర అనుకూల సభలు, సమావేశాలు పెట్టనిచ్చేది లేదని హెచ్చరించారు. పరకాల ప్రెస్ మీట్ అడ్డుకున్న తెలంగాణవాదులను పోలీసులు అడ్డుకునే ప్రయత్నాలు చేశారు.

పోలీసులకు, లాయర్లకు మధ్య తీవ్ర వాగ్వాదం జరిగింది. పోలీసులు ఆందోళనకారులను అదుపులోకి తీసుకున్నారు. ఈ ఘటనలో పోలీసులు విలేకరులపై దాడికి పాల్పడ్డారు. పోలీసుల దుశ్చర్యలకు నిరసనగా విలేకరులు ప్రెస్ క్లబ్ ముందు బైఠాయించారు. అయితే తాము ఉద్దేశ్య పూర్వకంగా దాడి చేయలేదని పోలీసులు వివరణ ఇచ్చినట్లుగా తెలుస్తోంది.

Published On October 11, 2011