సహోద్యోగినిపై నెట్‌లో మహిళా సిఇవో అసభ్య వ్యాఖ్యలు

ముంబై: నెట్‌లో ద్వేషపూరితమైన, అసభ్యమైన వ్యాఖ్యలు చేయడం ఇప్పటి వరకు పురుషుల పనే అనే అభిప్రాయం ఉంది. కానీ మహిళలు కూడా అందుకు తీసిపోరని తాజా సంఘంట ఒకటి తెలియజేస్తోంది. హెచ్ఆర్‌లో పనిచేస్తున్న తన సహద్యోగినిపై సైబర్ వేధింపులకు పాల్పడిన మల్టీనేషనల్ కార్పోరేషన్స్ ఇండియా ఆపరేషన్స్ మహిళా సిఇవోను పోలీసులు అదుపులోకి తీసుకున్నారు. 49 ఏళ్ల సిఇవో 39 ఏళ్ల మహిళా ఎగ్జిక్యూటివ్‌‌పై బురద చల్లుతూ కన్జ్యూమర్ వెబ్‌సైట్‌లో వ్యాఖ్యలు రాసినట్లు పోలీసులు తెలిపారు. బాధితురాలిని ఆమె సెక్స్ పెస్ట్‌గా అభివర్ణించింది.

వ్యాఖ్యలను ఎక్కడి నుంచి పోస్టు చేస్తున్నారనే విషయాన్ని ఐపి అడ్రస్ ద్వారా సైబర్ క్రైమ్ ఇన్వేస్టిగేషన్ సెల్ కనిపెట్టింది. అవివాహిత అయిన బాధితురాలు తనపై పోస్టవుతున్న వ్యాఖ్యలపై పోలీసులకు ఫిర్యాదు చేసింది. ఆన్‌లైన్ పోస్టుల వల్ల బాధితురాలు తన సహోద్యోగులతో కలిసి ఎప్పటిలాగా పనిచేయలేకపోయింది. ప్రతి ఒక్కరూ ఆ వ్యాఖ్యల గురించే అడగడం ప్రారంభించారని బాధితురాలు తెలిపింది.

అసభ్య వ్యాఖ్యలను పోస్టు చేసిన సిఇవోను పోలీసులు పట్టుకున్నారు. దీంతో సిఇవో పోలీసు స్టేషన్‌లో బోరున ఏడ్చేసింది. తన ఎదుటే ఉన్న బాధితురాలి కళ్లలోకి సూటిగా చూడలేకపోయింది. బాధితురాలికి త్వరగతి పదోన్నతులు రావడంతో తాను ఈర్ష్యపడ్డానని, అందువల్లనే ఆ వ్యాఖ్యలు పోస్టు చేశానని రాతుపూర్వకంగా కోరిన క్షమాపణ పత్రంలో సిఇవో తెలిపింది.

English summary

Cyber crime is usually perceived as the province of depraved men. But a disturbing trend has come to light of late.