రూ.10 లక్షల కోసం పదేళ్ల బాలుడి కిడ్నాప్, హత్య

By Srinivas

Published: Tuesday, October 18, 2011, 15:15 [IST]

విజయవాడ: డబ్బుల కోసం పదేళ్ల బాలుడిని కిడ్నాప్ చేసి హత్య చేసిన సంఘటన కృష్ణా జిల్లాలో మంగళవారం బయటపడింది. గుడివాడలో ఆరో తరగతి చదవుతున్న అన్వేష్ చంద్రను గత నెల 23వ తారీఖున కొందరు పాఠశాల నుండి వస్తుండగా కిడ్నాప్ చేశారు. వారు అన్వేష్ తండ్రి రమేష్‌కు ఫోన్ చేసి తాము మీ కుమారుడిని అరెస్టు చేశామని రూ.పదిలక్షలు ఇస్తే విడుదల చేస్తామని హెచ్చరించారు. వారు అందుకు గడువు కూడా విధించారు. గడువులోగా పది లక్షల రూపాయలు ముట్ట చెప్పినప్పటికీ వారు అన్వేష్‌ను విడుదల చేయలేదని సమాచారం. వారు అన్వేష్‌కు మత్తుమందు ఇచ్చి చంపేసి ఇంటి పరిసరాల్లోనే గోనె సంచిలో పాతి పెట్టారు. కాగా రమేష్ క్రికెట్ బెట్టింగ్ బూకీ. అతను టీచర్‌గా పని చేస్తున్నారు.

అయితే అన్వేష్ తండ్రి రమేష్‌కు వచ్చిన ఫోన్ కాల్సు ద్వారా పోలీసులు నిందితులను పట్టుకున్నారు. నిందితులలో సన్నిహితులు కూడా ఉన్నట్లు సమాచారం. నలుగురు నిందితులను పోలీసులు అదుపులోకి తీసుకున్నారు. వీరంతా టీనేజర్లే కావడం గమనార్హం. కేవలం డబ్పుల కోసమే స్నేహితుడు అని కూడా చూడకుండా వారు హత్య చేశారు. అయితే డబ్బులు ముట్టినప్పటికీ అన్వేష్‌ను వదిలేస్తే తమ బండారం బయట పడుతుందనే హత్య చేసినట్లుగా భావిస్తున్నారు.

Published On October 18, 2011