మూడో రోజూ కొనసాగుతున్న జగన్ ఇంటి అంచనా

హైదరాబాద్: లోటస్ పాండులోని వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి ఇంటి అంచనా శనివారం మూడో రోజూ కొనసాగుతోంది. గురువారం ప్రారంభమైన ఇంటి అంచనా కొనసాగుతోంది. సిబిఐ అధికారులు ప్రత్యేక కోర్టులో అనుమతులు తీసుకొని రోజుకు ఎనిమిది గంటల చొప్పున అంచనా వేస్తున్నారు. మొదటి రెండు రోజులు సిబిఐ అధికారులతో పాటు నేషనల్ రిమోట్ సెన్సింగ్ ఏజెన్సీ, జిహెచ్ఎంసీ, వివిధ విభాగాలకు చెందిన ఇంజనీర్లు తదతరులు పరిశీలించి అంచనాలు వేశారు. మూడో రోజు సిబిఐ అధికారులతో పాటు ఐటి, జిహెచ్ఎంసి అధికారులు పాల్గొన్నారు.

జగన్ భవనం ఐదు వేల గజాలతో రెండు భవనాలుగా ఉంటుంది. దీని అంచనా వేయడానికి వచ్చే శుక్రవారం వరకు సిబిఐకి అనుమతులు ఉన్నట్లుగా తెలుస్తోంది. రెండు రోజుల తనిఖీలో కేవలం ఒకే భవనం అంచనా పూర్తయినట్లుగా తెలుస్తోంది. జగన్ ఇంటిలో ఎన్ని గదులు ఉన్నాయి, ఎంతెంత విస్తీర్ణం ఉన్నాయి, వినియోగించిన గ్రానైట్స్ లేదా మార్బుల్స్ విలువ ఎంత తదితర అంశాలని పరిశీలించినట్లుగా తెలుస్తోంది. ఒక్కో గదిలో ఉన్న సామాగ్రి విలువు కూడా లెక్కిస్తున్నారు. అన్నింటినీ కూడా విడీయో చిత్రీకరణ చేస్తున్నారు. తనిఖీలు శనివారం పూర్తయ్యే అవకాశాలు దాదాపుగా కనిపిస్తున్నాయి.

English summary

CBI estimating YSRC Party president YS Jaganmohan Reddy's residence on third day also. They estimating with the help of GHMC, NRSA and engineers.